2022 ஆம் ஆண்டின் கூகுளில் அதிகம் தேடப்பட்ட திரைப்படங்களில் பட்டியல் வெளியாகி உள்ளது. இந்த பட்டியலில் நாம் எதிர்பார்க்காத பல திரைப்படங்களும் இடம்பெற்றுள்ளன.
- பிரம்மாஸ்திரம் (Brahmastra) :
அயன் முகர்ஜி இயக்கத்தில் அமிதாப் பச்சன், ரன்பீர் கபூர், ஆலியா பட், நாகார்ஜுனா, மௌனி ராய், சிறப்பு தோற்றத்தில் ஷாருக்கான் உள்ளிட்ட பலரும் நடித்து வெளியான படம் “பிரம்மாஸ்திரா”.
- கே.ஜி.ஃப் ( KGF Chapter 2) :
யஷ், சஞ்சய் தத், ரவீனா டாண்டன் மற்றும் ஸ்ரீநிதி ஷெட்டி நடித்துள்ள ‘கேஜிஎஃப் 2’ பாக்ஸ் ஆபிஸில் சாதனைகளை படைத்தது. இந்தப் எதிர்பார்ப்புகளுக்கு அப்பால் வெகுஜனங்களைக் கவர்ந்தது. இரண்டு பாகங்களையும் இயக்கிய பிரசாந்த் நீல் இரண்டு படங்களிலும் பணிபுரிந்ததற்காக பாராட்டப்பட்டார். இந்த நிலையில் 3ஆம் பாகத்திற்காக மக்கள் அவளோடு எதிர்பார்த்துள்ளனர்.
- தி காஷ்மீர் ஃப்ல்ஸ் (The Kashmir files) :
கடந்த மார்ச் 11ஆம் தேதி 'தி காஷ்மீர் ஃபைல்ஸ்' நாடு முழுவதும் 630 திரையரங்குகளில் வெளியானது. படம் பாக்ஸ் ஆஃபிஸ் ஹிட்டடித்தாலும் பல தரப்பான கலவை விமர்சனந்தை சந்திக்க நேரிட்டது.
- ஆர்.ஆர்.ஆர் (RRR) :
எஸ்.எஸ்.ராஜமவுலி இயக்கத்தில் ராம் சரண், ஜூனியர் என்.டி.ஆர், அலியா பட், ஒலிவியா மோரிஸ் நடிப்பில் பான் இந்தியா படமாக வெளியாகி சக்கை போடு போட்ட திரைப்படம் ஆர்.ஆர்.ஆர்.கடந்த மார்ச் 25ஆம் தேதி பான் இந்தியா திரைப்படமாக வெளியான இந்தப்படம் மிகப்பெரிய வெற்றியைப் பெற்று வசூல் சாதனை செய்தது.
- காந்தாரா( Kantara) :
ரிஷப் ஷெட்டி இயக்கி நடித்த இப்படத்தில் கிஷோர், சப்தமி கவுடா உள்ளிட்ட பலரும் நடித்திருந்தனர். இது கன்னட திரையுலகில் மிகப்பெரிய புரட்சியை ஏற்படுத்திய நிலையில் வசூலிலும் ரூ.400 கோடியை கடந்தது. காந்தாரா திரைப்படம் பிற மொழியைச் சேர்ந்தவர்களும் அப்படத்தைப் பார்க்கும் ஆர்வத்தை தூண்டியது.
இதன் காரணமாக அக்டோபர் 15 ஆம் தேதி தமிழ், தெலுங்கு, மலையாளம் மற்றும் ஹிந்தி ஆகிய மொழிகளில் டப் செய்யப்பட்டு காந்தாரா வெளியானது.
இந்த ஐந்து படங்களை தொடர்ந்து அடுத்த ஐந்து இடங்களை பிடித்துள்ள திரைப்படங்கள், தெலுங்கு திரைப்படம் அல்லு அர்ஜுன் மற்றும் ராஷ்மிகா மந்தனா இணைந்து நடித்த புஷ்பா திரைப்படம் இடம் பெற்றுள்ளது ,அதற்கு அடுத்தபடியாக தமிழில் வெளியாகி வசூல் சாதனை படைத்த கமல் ,அர்ஜுன் தாஸ் ,சூர்யா நடிப்பில் வெளியான விக்ரம் திரைப்படமும், அடுத்த நிலையில் அமீர்கான் மற்றும் கரீனா கபூர் நடிப்பில் வெளியான லால் சிங் சத்தா திரைப்படம் இடம் பெற்றுள்ளது . அதற்கு அடுத்த நிலையில் மோகன்லால் மற்றும் மீனா நடிப்பில் வெளியான படம் த்ரிஷயம் இடம்பெற்றுள்ளது ,இந்த பட்டியலில் கடைசியாக தார் லவ் அண்ட் தண்டர் திரைப்படம் இடம்பெற்றுள்ளது.