வெற்றிமாறன், கவுதம் மேனன் கைகோர்த்துள்ளனர். வெற்றிமாறன் இயக்கத்தில் உருவாகும் விடுதலை படத்தில் கவுதம் மேனன் காவல் அதிகாரி கெட்டப்பில் இணைகிறார் என்ற தகவல் வெளியாகியுள்ளது.
தமிழ்த் திரையுலகில் இரண்டு பெரிய ஜாம்பவான்கள் வெற்றிமாறன், கவுதம் மேனன். இருவரும் இரு பெரிய என்டிட்டி. எல்லாவற்றை அப்படியே ராவாக கொடுத்து அதை திகைப்பாக இருந்தாலும் திகட்டாமல் சாதிப்பவர் வெற்றிமாறன். சில நேரங்களில் எலீட்டிஸ்ட் அப்ரோச் எட்டிப்பார்த்தாலும் கூட எலிகன்ஸ், கிரேஸ் என தனக்கென ஒரு ரசிகர் பட்டாளத்தை வைத்திருப்பவர் கவுதம் மேனன். தனுஷை வெற்றிமாறன் கையாண்டதையும், கவுதம் மேனன் கையாண்டதையும் ஒப்பிட்டுப் பார்த்தாலே இருவரும் தரமும், நிறமும், திறமையும் பளிச்சிடும்.
வெற்றி ஃபார்முலா இயக்குநர் வெற்றிமாறன் தற்போது சூரி, விஜய் சேதுபதி இயக்கத்தில் விடுதலை என்று பெயரிடப்பட்ட படத்தை இயக்கி வருகிறார். இந்தப் படத்தில் தான் இயக்குநர் கவுதம் மேனன் முக்கிய கதாபாத்திரத்தில் நடிக்கவுள்ளதாக தகவல் வெளியாகியுள்ளது. நெட்ஃபிளிக்ஸ் ஓடிடி தளத்தில் வெளியான பாவக்கதைகள் அந்தாலஜியிலும் வெற்றிமாறன் ஒரு படத்தை இயக்கியிருப்பார். அதில் கவுதம் மேனனும் ஒரு கதையை இயக்கியிருப்பார்.
தற்போது இருவரும் கைகோத்துள்ள செய்தியால் இருவரின் ரசிகர்களும் மகிழ்ச்சியில் திக்குமுக்காடிப் போயுள்ளனர். திண்டுக்கல் மாவட்டம் சிறுமலையில் பெரும்பாலான படப்பிடிப்பும் முடிந்துவிட்டது எனத் தகவல்கள் வெளியாகியுள்ளன. அதுவும் கவுதம் தனது ட்ரேட்மார்க்கான போலீஸ் வேடத்தில் தான் இந்தப் படத்தில் நடித்திருப்பதாகத் தகவல்கள் வெளியாகியுள்ளன.
கவுதம் மேனனுன் காப் கெட்டப்களும்..
இயக்குநர் கவுதம் மேனனின் தீவிர ரசிகர்களிடம் கேட்டால் அவருடைய படங்களில் வரும் மிடுக்கான துடிப்பான காவல் அதிகாரிகளில் கவுதமை பார்க்க முடியும் என்பார்கள். காக்ககாக்க சூர்யாவாக இருக்கட்டும், இல்லை வேட்டையாடு விளையாடு ராகவனாக இருக்கட்டும் சூர்யாவையும், கமலையும் தாண்டி உடல்மொழியிலும், ஆங்கில உச்சரிப்பிலும் கவுதம் மேனன் அழகாகத் தெரிவார். என்னை அறிந்தால் படத்தில் அஜித்தின் சிறு சிறு அசைவுகளிலும் கவுதம் மேனனைப் பார்க்க முடிந்திருக்கும்.
தேசிங் பெரியசாமி படத்தில் வரும் கவுதம் மேனன் காவல் அதிகாரி கெட்டப்பில் மாஸ் காட்டியிருப்பார். படத்தைப் பார்த்துவிட்டு அசந்து போனதாக நடிகர் ரஜினிகாந்த் கூறியது வேறு கதை.
அந்தப் படம் முழுவதும் கவுதம் மேனனின் ஒவ்வொரு நகர்வும் ரசிகர்களைக் கட்டிப்போட்டு வைக்கும். செம்ம மாஸ் காட்டுகிறாரே என நினைக்கும்போது க்ளைமாக்ஸில் தான் காப் கவுதம் மேனனின் நிஜ முகம் வெளியாகும். இதுதான் படத்திற்கு மிகப்பெரிய ப்ள்ஸும் கூட.
காவல் அதிகாரியாக மட்டுமல்ல ஓடிடி தளத்திலும் கவுதம் மேனன் பல்வேறு கதாபாத்திரங்களிலும் தனது திறமையைப் பளிச்சிட செய்துவிட்டார்.
ஆகையால், வெற்றிமாறன், கவுதம் மேனன் இணையும் விடுதலை ரசிகர்கள் மத்தியில் எதிர்பார்ப்பை எகிறச் செய்துள்ளது.