கௌதம்- கார்த்திக் - மஞ்சிமா ஜோடி தங்கள் தல பொங்கலை இனிமையாகக் கொண்டாடி வீடியோ பகிர்ந்துள்ளது இணையத்தில் லைக்ஸ் அள்ளி வருகிறது.


உலகம் முழுவதுமுள்ள தமிழர்கள் இன்று பொங்கல் கொண்டாடி மகிழ்ந்து வரும் நிலையில், திரையுலகப் பிரபலங்களும் உற்சாகத்துடன் தங்கள் பொங்கல் கொண்டாட்ட புகைப்படங்கள், வீடியோக்களை சமூக வலைதளங்களில் பகிர்ந்து வருகின்றனர்.


அந்த வகையில் இந்த ஆண்டு தங்கள் தல பொங்கல் கொண்டாடும் கௌதம் கார்த்திக் - மஞ்சிமா ஜோடி அனைவருக்கும் வாழ்த்து கூறி க்யூட்டான வீடியோ பகிர்ந்துள்ளனர்.


கோலிவுட்டில் சென்ற ஆண்டு காதல் பறவைகளாக வலம் வந்து கவனமீர்த்தது கௌதம் கார்த்திக் - மஞ்சிமா மோகன் ஜோடி. மணிரத்னத்தின் 'கடல்’ படம் மூலம் நடிகர் கார்த்திக்கின் மகன் கௌதம் கார்த்திக் தமிழ் சினிமாவில் அறிமுகமானார்.


அதேபோல் மலையாளத்தில் குழந்தை நட்சத்திரமாக அறிமுகமான மஞ்சிமா, கௌதம் வாசுதேவ் மேனன் இயக்கத்தில் வெளியான 'அச்சம் என்பது மடமையடா' திரைப்படம் மூலம் தமிழ் சினிமாவில் கால் பதித்தார்.


இவர்கள் இருவரும் முத்தையா இயக்கத்தில் 2019ஆம் ஆண்டு வெளிவந்த தேவராட்டம் திரைப்படத்தில் ஜோடியாக நடித்திருந்தனர். 


அப்போதிலிருந்தே இருவரும் காதலித்து வந்தனர் என்று கூறப்பட்ட நிலையில், சென்ற ஆண்டு அக்டோபர் மாதம் தங்களது காதலை சமூக வலைதளங்களில் அறிவித்தனர்.  தொடர்ந்து இருவரும் நவ.28ஆம் தேதி நெருங்கிய உறவுகளின் முன்னிலையில் எளிமையான முறையில் திருமணம் செய்து கொண்டனர். 


திருமணத்துக்குப் பின் இவர்கள் இருவரும் தங்கள் முதல் பொங்கலை இன்று கொண்டாடி மகிழ்ந்து வருகின்றனர்.  அந்த வகையில் தல பொங்கல் ஸ்பெஷலாக தன் காதல் மனைவி மஞ்சிமாவுடன் இணைந்து சர்க்கரை பொங்கல் சமைத்து மகிழ்ச்சியுடன் தன் இன்ஸ்டா பக்கத்தில் பதிவிட்டு ரசிகர்களுக்கு வாழ்த்து கூறியுள்ளார் கௌதம் கார்த்திக்.


 






கௌதமின் இந்த க்யூட் வீடியோ லைக்ஸ் அள்ளி வருவதோடு கமெண்ட் செக்‌ஷனில் இருவருக்கும் ரசிகர்கள் உற்சாகமாக வாழ்த்து கூறி வருகின்றனர்.