டிசம்பர் வெளியாகும் அவதார் 3
ஜேம்ஸ் கேமரூன் இயக்கத்தில் பிரம்மாண்டமாக உருவாகியுள்ள அவதார் 3 ஆம் பாகம் வரும் டிசம்பர் 19 ஆம் தேதி வெளியாக இருக்கிறது. முதல் இரண்டு பாகங்கள் உலகளவில் பெரும் வரவேற்பையும் வசூலையும் பெற்ற நிலையில் தற்போது மூன்றாம் பாகத்திற்கான டிரைலர் விரைவில் வெளியாக இருக்கிறது . முதல் பாகத்தில் ஆகாயத்தையும் , இரண்டாம் பாகத்தில் நீரையும் கதைக்களமாக கொண்டிருந்த நிலையில் இந்த முறை நெருப்பை வழிபடும் மக்களை மையமாக வைத்து Avatar Fire And Ash திரைப்படம் உருவாகியுள்ளது. இப்படத்தின் முக்கிய கதாபாத்திரத்தின் ஃபர்ஸ்ட் லுக் போஸ்டரை தற்போது படக்குழு வெளியிட்டுள்ளது.
எரிமலைகளுக்கு அருகில் வசிக்கும் நாவி பழங்குடியின மக்கள் இந்த படத்தின் கதை மாந்தர்கள். அவர்களின் தலைவன் 'வரங்க' என்கிற கதாபாத்திரத்தின் ஃபர்ஸ்ட் லுக் போஸ்டரை படக்குழு வெளியிட்டுள்ளது.
ஜேம்ஸ் கேமரூனின் அவதார்
2009 ஆம் ஆண்டு அவதார் திரைப்படத்தின் முதல் பாகம் வெளியாகியது. பிரம்மாண்டத்திற்கு பெயர்போன ஜேம்ஸ் காமரூன் இந்தப் படத்தை இயக்கி இருந்தார். மோஷன் கேப்ச்சர் என்கிற தொழில்நுட்பத்தைப் பயன்படுத்தி எடுக்கப்பட்ட அவதார் திரைப்படம் உலகம முழுவதும் ரசிகர்களை பிரம்மிக்க வைத்தது.
13 ஆண்டுகளுக்குப் பின் இப்படத்தின் இரண்டாம் பாகம் கடந்த 2023 ஆம் ஆண்டு வெளியாகி பெரும் வெற்றிபெற்றது. சாம் வொர்திங்டன், ஜோ சல்டானா , ஸ்டிஃபன் லாங் ஆகியவர்கள் இந்தப் படத்தில் நடித்திருந்தார்கள். உலகம் முழுவடு 160 மொழிகளில் 52,000 திரையரங்குகளில் வெளியானது அவதார் 'தி வே ஆஃப் வாட்டர்'. மிக பிரமாணடமாக அதிநவீனத் தொழில் நுட்பத்தைப் பயன்படுத்தி எடுக்கப்பட்ட அவதார் திரைப்படம் உலகம் முழுவதும் 15,000 கோடிகளை வசூல் செய்தது. முதல் பாகத்தைப் போல் இல்லாமல் இரண்டாம் பாகம் கலவையான விமர்சானங்களை பெற்றது. அடுத்தபடியாக வெளியாக இருக்கும் அவதார் ஃபயர் அண்ட் ஆஷ் படத்திற்கும் உலகளவில் ரசிகர்களிடம் பெரிய எதிர்பார்ப்பு இருந்து வருகிறது . வரும் ஜூலை 21 ஆம் தேதி முதல் அவதார் படத்தின் டிரைலர் திரையரங்குகளில் வெளியாக இருக்கிறது.
தங்கலான் மாதிரி இருக்கு
அவதார் 3 படத்தின் இந்த புதிய போஸ்டரை ரசிகர்கள் பலர் பா ரஞ்சித் இயக்கிய தங்கலான் படத்தில் மாளவிகா மோகனன் நடித்த ஆர்த்தி கதாபாத்திரத்துடன் ஓப்பிட்டு பேசி வருகிறார்கள்.