மிலிந்த் ராவ் இயக்கத்தில் லேடி சூப்பர் ஸ்டார் நயன்தாரா நடிப்பில் வெளியாகியுள்ள திரைப்படம் நெற்றிக்கண். இந்த திரைப்படத்தை விக்னேஷ் சிவன் மற்றும் நயன்தாராவிற்கு சொந்தமான ரௌடி பிக்சர்ஸ் தயாரித்துள்ளது. நயன்தாராவுடன் அஜ்மல் நடித்துள்ளார். . மிரட்டும் சைக்கோ த்ரில்லர் கதைக்களத்துடன் எடுக்கப்பட்டுள்ள ‘நெற்றிக்கண்’ இன்று மதியம் வெளியானது. படத்தை பார்த்த ரசிகர்கள் பலரும் படத்தை கொண்டாடி வருகின்றனர். டிஸ்னி மற்றும் ஹாட் ஸ்டாரில் வெளியாகியிருக்கும் இந்த படத்தில் நயன்தாரா பார்வை குறைபாடு உள்ளவராக நடித்துள்ளார். படத்தில் மணிகண்டன், சரண் உள்ளிட்ட பலர் முக்கியமான கதாபாத்திரத்தில் நடித்துள்ளனர். படத்திற்கான திகில் இசையை கிரிஷ் கோபாலகிருஷ்ணன் இசையமைத்து கொடுத்துள்ளார்
படம் வெளியான சில மணி நேரங்களில் படத்தை ரசிகர்கள் ட்விட்டர் வாயிலாக கொண்டாடி வருகின்றனர்.குறிப்பாக நயன்தாரா மிரட்டலான நடிப்பை வெளிப்படுத்தியுள்ளார். அவரது நடிப்பை ரசிகர்கள் வெகுவாக பாராட்டி வருகின்றனர்.நெற்றிக்கண் திரைப்படம் நயன்தாராவின் கெரியரில் கொண்டாடப்பட வேண்டிய படமாக இருக்கும் எனவும் பகிர்ந்து வருகின்றனர். நயன்தாராவின் டைட்டில் கார்ட் மற்றும் எண்ட்ரி வீடியோ மாஸாக உள்ளது என குறிப்பிட்ட ரசிகர்கள் , இதனை தியேட்டரில் பார்க்க முடியாமல் போனது வருத்தமளிப்பதாக இருக்கிறது என சிலர் குறிப்பிட்டுள்ளனர்.
நயன்தாராவின் நெற்றிக்கண் படம் தவிர்த்து , ரஜினியுடன் அண்ணாத்த , விஜய் சேதுபதியுடன் காத்து வாக்குல ரெண்டு காதல் உள்ளிட்ட படங்களும் கிட்டத்தட்ட வெளியீட்டிற்கு தயாராக உள்ளது. நயன்தாரா அறிமுக இயக்குநர் விக்னேஷ் என்பவரது இயக்கத்தில் தற்போது ஹாரர் படம் ஒன்றில் நடிக்க ஒப்பந்தமாகியுள்ளார் .விக்னேஷ் இயக்குநர் வெங்கட் பிரபுவிடம் உதவி இயக்குநராக பணியாற்றியவர் . பெயர் வைக்கப்படாத அந்த படத்தில் முதற்கட்ட படப்பிடிப்பு தற்போது சென்னையில் துவங்கி உள்ளது. இந்த படத்தின் ஷூட்டிங்கை ஒரே கட்டமாக முடிக்க படக்குழு திட்டமிட்டுள்ளதாக தெரிகிறது. ஃபேமிலி என்டேர்டைன்மெண்டோடு திகிலாக இந்த படம் உருவாகி வருகிறது. நயன்தாரா ஏற்கனவே மாயா, ஐரா, டோரா உள்ளிட்ட திகில் படங்களில் நடித்துள்ளார் என்பது குறிப்பிடத்தக்கது.