Just In
ரஜினி மாதிரி மேடையில் யாரும் பேச முடியாது...விஜய் ரசிகர்களுக்கு ஷாக் கொடுத்த அட்லீயின் வீடியோ
அட்லீயை பெரும்பாலானவர்களுக்கு விஜய் ரசிகனாக தான் தெரியும். ஆனால் வெறித்தனமாக ரஜினியை புகழ்ந்து அட்லீ பேசும் வீடியோ ஒன்று தற்போது வைரலாகி வருகிறது
அட்லீ - விஜய் காம்போ
ராஜா ராணி படத்தின் மூலம் இயக்குநராக அறிமுகமானவர் அட்லீ . அடுத்தடுத்த வெற்றிப்படங்களை கொடுத்து இன்று இந்திய சினிமாவில் முன்னணி கமர்சியல் இயக்குநர்களில் ஒருவராக இருக்கிறார். இயக்குநர் தவிர்த்து சொந்த தயாரிப்பு நிறுவனம் ஒன்றையும் அட்லீ தொடங்கியுள்ளார். அட்லீயின் வளர்ச்சியில் இயக்குநர் விஜய்க்கு பெரிய பங்கு இருக்கிறது. அடுத்தடுத்து விஜயின் மூன்று படங்களை இயக்கும் வாய்ப்பை விஜய் கொடுத்தார். மூன்று படங்களுமே பெரிய கமர்சியல் வெற்றிப்படங்களாக அமைந்தன. நிஜ வாழ்க்கையிலும் விஜயின் தீவிர ரசிகராக இருந்து வருகிறார் அட்லீ. 'எங்க அண்ணனுக்கு நான் தான் பண்ணுவேன் அப்டி தான் பண்ணுவேன்' என மேடையில் சவால் விட்டவர் . அட்லீ விஜய் காம்போவுக்கு மிகப்பெரிய ரசிகர் பட்டாளம் இருந்து வருகிறது. ஆனால் விஜய் ரசிகர்களுக்கு ஷாக் கொடுக்கும் வகையில் அட்லீ ரஜினியை வெறித்தனமாக புகழும் வீடியோ வெளியாகியுள்ளது.
ரஜினியைப் புகந்த அட்லீ
" அட்லீ உதவி இயக்குநராக இருந்தபோது எடுக்க வீடியோ சமூக வலைதளத்தில் வைரலாகி வருகிறது. இந்த வீடியோவில் அட்லீ " என்னை ரஜினியன் , ரஜினி வெறியனு தான் என்ன சொல்லுவாங்க. அத தாண்டி ஒரு வார்த்த இருந்தா அது நான்னு சொல்லுவேன்.ரஜினிய எனக்கு அவ்ளோ பிடிக்கும். இப்போ ரஜினி போட்டா கூட எல்லா வேலையையும் விட்டு பார்ப்பேன். அவரோட சின்ன சின்ன விஷயங்களைப் பார்த்து அதை ஃபாலோ பண்ணுவேன். ஒருத்தர்கிட்ட எப்டி பேசுவார் என்று கவனிப்பேன். அவர் எனக்கு லைஃப் டைம் இன்ஸ்பிரேஷ். அவர காப்பியடிக்கிறதுல தப்பே இல்ல. எங்க அம்மா சின்ன வயசுல இருந்து ரஜினிய ரொம்ப பிடிக்கும்னு என்கிட்ட சொல்லுவாங்க. அம்மா சொன்னதைக் கேட்டு ரஜினி சாரை பார்க்காமலேயே ரஜினி ரசிகனானேன். அம்மா சொன்ன ரஜினியை பற்றி கேட்டு முதல்வாட்டி தளபதி படத்தில் பார்க்கும்போது இவர்தான் ரஜினி என்று பிரமிப்பாக இருந்தது. அவரை பார்த்து வளர்ந்த எனக்கு நான் உதவி இயக்குநராக வேலை செய்த படம் எந்திரன்.
ரஜினியை நேரில் பார்த்தபோது துக்கி நின்னுச்சு மனசு. 300 நாட்களுக்கு தினமும் அவரை பார்த்து அவரிடம் இருந்து நிறைய கற்றுக் கொண்டேன். ஒருத்தர் எப்படி மைக் ஏறி பேசனும் என்பதற்கு ரஜினி ஒரு சிறந்த உதாரணம்" என தெரிவித்துள்ளார். இந்த வீடியோ தற்போது வைரலாகி வருகிறது