Just In
Vaathi movie | லேட் பண்ணக் கூடாது.. தீயாய் வேலை செய்யும் வாத்தி குரூப்.! தனுஷின் தெலுங்கு பட அப்டேட்.!!
வாத்தி எனப்பெயரிப்பட்டுள்ள அப்படம் சார் என்ற பெயரில் நேரடி தெலுங்கு திரைப்படமாகவும், தமிழ் திரைப்படமாகவும் வெளியாகவுள்ளது.
கோலிவுட், பாலிவுட், ஹாலிவுட்டை தொடர்ந்து தற்போது டோலிவுட்டிலும் தனுஷ் கால் பதிக்க உள்ளார். இதற்கான அறிவிப்பை சமீபத்தில் தனுஷ் தனது ட்விட்டர் பக்கத்தில் அதிகாரப்பூர்வமாக வெளியிட்டார். வாத்தி எனப்பெயரிப்பட்டுள்ள அப்படம் சார் என்ற பெயரில் நேரடி தெலுங்கு திரைப்படமாகவும், தமிழ் திரைப்படமாகவும் வெளியாகவுள்ளது.
அதன்படி தமிழ், தெலுங்கு மொழிகளில் மோஷன் டைட்டில் கார்டு வெளியிடப்பட்டது. இப்படத்தை டோலிவுட் இயக்குநர் வெங்கி அட்லூரி இயக்குகிறார். 2010ம் ஆண்டு வெளியான சினேக கீதம் படத்தில் வசனகர்த்தாவாக அறிமுகமானார் வெங்கி அட்லூரி. அதையடுத்து 2018ஆம் ஆண்டு தோழி பிரேமா படத்தின் மூலம் இயக்குநராக அறிமுகமானார்.
அதையடுத்து 2019 ஆம் ஆண்டு இவர் இயக்கிய மிஸ்டர் மஜ்னு பெரும் வெற்றி பெற்றது. இந்த ஆண்டு கீர்த்தி சுரேஷ், நிதின் நடிப்பில் வெளியான ரங் தே படத்தையும் இவர் இயக்கி இருந்தார். இந்நிலையில் வாத்தி படத்துக்கான வேலைகள் மிகத் தீவிரமாக நடைபெற்று வருகிறதாம். தற்போது கசிந்துள்ள தகவலின்படி வாத்தி ஷூட்டிங் அடுத்த வாரம் ஹைதராபாத்தில் தொடங்கவுள்ளதாக கூறப்படுகிறது. ஓமிக்ரான் அச்சுறுத்தல் இருப்பதால் படப்பிடிப்பை வேகமாக முடிக்க படக்குழுவினர் திட்டமிட்டுள்ளனர். 3 மாதத்தில் படத்தின் ஷூட்டிங்கை முடித்துவிட வேண்டுமென திட்டமிட்டுள்ளதாம் படக்குழு. அதற்கான வேலைகள் முழு வீச்சில் நடந்து வருகிறது.
தனுஷ் நடிப்பின் வரிசையில், தற்போது மாறன், திருசிற்றம்பலம், நானே வருவேன், ஆயிரத்தில் ஒருவன் 2 உள்ளிட்ட தமிழ் படங்களும் தி கிரே மேன் எனும் ஹாலிவுட் படமும் உள்ளன. கோலிவுட் மட்டுமல்லாது , பாலிவுட் ஹாலிவுட் என கால் பதித்து கலக்கி வருகிறார் நடிகர் தனுஷ். குறிப்பாக அம்பிகாபதி திரைப்படத்திற்கு பிறகு பாலிவுட்டிலும் அதீத ரசிகர்களை கொண்ட தென்னிந்திய நடிகர் என்ற அந்தஸ்தையும் தனுஷ் பெற்றுள்ளார். பாலிவுட்டின் பல முன்னணி நட்சத்திரங்களுடன் கூட்டணி அமைக்கும் தனுஷ் தற்போது அக்ஷய் குமார் , சாரா அலிகானுடன் இணைந்து அட்ராங்கி ரே என்னும் திரைப்படத்தில் நடித்தார். இந்த திரைப்படம் தமிழிலும் டப் செய்து சமீபத்தில் வெளியாகி நல்ல வரவேற்பை பெற்றது குறிப்பிடத்தக்கது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்