அஜித்குமார் அடுத்ததாக நடிக்கவிருக்கும் ஏகே 62 படத்தில் விக்னேஷ் சிவனும், தனுஷும் சிறப்பு தோற்றத்தில் நடிக்கவுள்ளனர் என்ற தகவல் வெளியாகிவுள்ளது. நேர்கொண்ட பார்வை, வலிமை ஆகிய படங்களில் இணைந்த போனி கபூர்-ஹெச்.வினோத்- அஜித் கூட்டணி மூன்றாம் முறையாக துணவு படத்தில் இணைந்தது.
துணிவு படத்தின் படப்பிடிப்பு, டப்பிங் மற்றும் போஸ்ட் ப்ரடக்ஷன் வேலைகள் அனைத்தும் முடிந்த நிலையில், ரெட் ஜெயண்ட் நிறுவனம் அப்படத்தின் விநியோக உரிமத்தை கைப்பற்றியது. துணிவு ஷூட்டிங் தொடங்கிய நாள் முதல் இன்று வரை அஜித்தின் லேட்டஸ்டான போட்டோஸ் அனைத்தும் வெளியாகி ரசிகர்களிடையே நல்ல வரவேற்ப்பை பெற்றது.
இந்தபடத்தின் முதல் பாடலாக சில்லா சில்லா வெளியாகி 1 கோடியே 80 லட்சம் பார்வைகளை பெற்றது. அடுத்ததாக காசேதான் கடவுளடா என்ற ஹேஷ்டாகை பதிவிட்டு இசையமைப்பாளர் ஜிப்ரான் இரண்டாவது பாடளுக்கான ஹிண்டை கொடுத்தார். அந்த பாடல் வரும், டிசம்பர் 18 ஆம் தேதி வெளியாகவுள்ளதாக தகவல் பரவியது.
அத்துடன், விக்னேஷ் சிவன் இயக்கத்தில் அஜித் நடிக்க போகும் ஏகே 62 படத்தில், இயக்குநர் விக்கியும், தனுஷூம் சிறப்பு தோற்றத்தில் நடிக்கவுள்ளனர் என்று தகவல் வந்துள்ளது.இது கேட்க சுவாரஸ்யமாக இருந்தாலும் சற்று ஸ்பாய்லாராக உள்ளது. விக்ரம் படத்தில், சூர்யா கேமியோ ரோலில் வருவார் என்ற செய்தியை முன்னரே வெளியிட்டார் லோகேஷ் கனகராஜ்.
அதனால், முதல் நாள் முதல் காட்சியில் விக்ரம் படத்தை பார்த்தவர்கள் மக்கள் பலரும், “முன்னதாகவே இதை சொல்லிவிட்டார், அவர் இதை சொல்லாமல் இருந்தால் பயங்கர சப்ரைஸாக இருந்து இருக்கும்” என்று வருத்தம் தெரிவித்தனர். சிறப்பு தோற்றத்தில் நடிக்கவுள்ள தனுஷ், வில்லனாக நடித்தால் இன்னும் சூப்பராக இருக்கும் என அஜித் ரசிகர்களும் தனுஷ் ரசிகர்களும் கருத்து தெரிவித்து வருகின்றனர்.