விஜய் டிவியில் ஒளிப்பரப்பாகிய சூப்பர் சிங்கர் நிகழ்ச்சி மூலம் பாடகராக அறிமுகமானார் சிவாங்கி. இந்த நிகழ்ச்சியில் அவர் பாடிய பாடல்கள் இணையத்தில் வைரலானது. அதனைத்தொடர்ந்து அவர் ‘குக் வித் கோமாளி’ நிகழ்ச்சியில் போட்டியாளராக களம் இறங்கினார். இந்த நிகழ்ச்சியில் அவர் செய்த லூட்டிகள், சேட்டைகள் எல்லாம் மக்களுக்கு மிகவும் பிடித்துப் போக, இவருக்காகவே அந்த நிகழ்ச்சியை ஏராளமானோர் பார்க்க ஆரம்பித்தனர்.
இந்நிகழ்ச்சியின் 2 ஆவது சீசன் கடந்த ஆண்டு முடிவுக்கு வந்தது. ஆனாலும், மீண்டும் ‘குக் வித் கோமாளி’ சீசன் 3 மீண்டும் ஒளிபரப்பப்பட்டு சிவாங்கி ஒரு கலக்கு கலக்கி வருகிறார். அதில், சிவாங்கி அடிக்கும் லூட்டிகள் சிறியவர்கள் முதல் பெரியவர்கள் வரை எல்லாரையும் கவர்ந்து வருகிறது. இதனால் எல்லோருக்கு பிடித்த ஒரு நடிகையாக சிவாங்கி மாறிவிட்டார். சின்னத்திரையில் கிடைத்த புகழின் மூலம் தற்போது வெள்ளித்திரையிலும் சிவாங்கி காலடி பதித்துள்ளார். சிவகார்த்திகேயன் நடிப்பில் வெளியாக உள்ள ‘டான்’ திரைப்படத்தில் முக்கிய கதாபாத்திரத்தில் சிவாங்கி நடித்து வருகிறார்.
விஜய் டிவி சமீபத்தில் குக் வித் கோமாளி சீசன் 3 ப்ரோமோ ஒன்றை வெளியிட்டது. அதில் கோமாளிகள் அனைவரும் சினிமாக்களில் வரும் ஹீரோ மற்றும் வில்லன்களின் கதை பிரதிபலிக்கும் விதமாக கதாபாத்திரங்களை ஏற்று வேடமிட்டு இந்த வாரம் சேட்டை செய்ய இருக்கின்றனர். அதில் சிவாங்கி, எந்திரன் படத்தின் வரும் ரோபோ சிட்டி போன்றும், சுனிதா மங்காத்தா அஜித் போன்றும், பாலா நடிகர் ரகுவரன் போன்றும் வேடவிட்டுள்ளனர்.
இந்தநிலையில், சிவாங்கி, எந்திரன் படத்தின் வரும் ரோபோ சிட்டி போன்று அலங்காரம் செய்யும் வீடியோவை தனது இன்ஸ்டாகிராம் பக்கத்தில் பதிவிட்டுள்ளார். அந்த வீடியோக்கு மேல்,தலைவர் கெட்அப் என்றும், இனிய தமிழ் புத்தாண்டு நல்வாழ்த்துக்கள் என்றும் பதிவிட்டுள்ளார். இதைப்பார்த்த சிவாங்கி ரசிகர்கள் கமெண்டில் பல ஹார்ட்டின்களை பறக்கவிட்டு வருகின்றனர்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்