நடிகை பிரியங்கா சோப்ரா நடித்துள்ள சீட்டடெல் (Citadel) வெப் சீரிஸின் தமிழ் ட்ரெய்லர் வெளியாகி கவனமீர்த்துள்ளது.
அவெஞ்சர்ஸ் எண்ட் கேம், தனுஷ் நடித்த த க்ரே மேன் படங்களை இயக்கிய பிரபல ஹாலிவுட் இயக்குநர்களான ரூசோ பிரதர்ஸ் இந்த சீரிஸை இயக்கியுள்ளனர்.
கேம் ஆஃப் த்ரோன்ஸில் நடித்த ரிச்சர்ட் மேடன், பாலிவுட் தொடங்கி ஹாலிவுட் சென்று கலக்கி வரும் நடிகை பிரியங்கா சோப்ரா இருவரும் இந்தத் தொடரில் இணைந்து நடித்துள்ளனர். ஹாலிவுட்டின் பல பிரபல சீரிஸ்களின் ஸ்பின் ஆஃப் ஆக இந்த சீரிஸ் வெளியாகவுள்ளது
சீரிஸ் உலகில் இதுவரை மிகப்பெரும் பட்ஜெட்டில் எடுக்கப்பட்ட இரண்டாவது சீரிஸ் எனும் பெருமையைப் பெற்றுள்ள சீட்டடெல், 250 மில்லியன் டாலர்கள் பட்ஜெட்டில் பிரம்மாண்டமாக, அதிரடி ஆக்ஷன் காட்சிகளுடன் உருவாகியுள்ளது.
ஆறு எபிசோட்களைக் கொண்ட இந்த சீரிஸ் வரும் ஏப்ரல் 28ஆம் தேதி முதல் அமேசான் ப்ரைம் ஓடிடி தளத்தில் வெளியாகவுள்ளது. ஏப்ரல் 28ஆம் தேதி முதல் இரண்டு எபிசோடுகள், பின் வெள்ளிக்கிழமை தோறும் எபிசோட் என மே 26ஆம் தேதி வரை இந்த சீரிஸ் வெளியிடப்பட உள்ளது.
கடந்த ஆண்டு ஜூன் மாதம் இந்த சீரிஸின் படப்பிடிப்பு நிறைவடைந்த நிலையில், தங்களை அடையாளங்களை மறந்த உளவாளிகளான பிரியங்கா சோப்ரா, ரிச்சர்ட் மேடன் இருவரைச் சுற்றி நிகழும் அறிவியல் புனைவு கதையாக இந்த சீரிஸ் உருவாகியுள்ளது.
சீட்டடெல் சீரிஸின் இந்திய வெர்ஷனில் நடிகர் வருண் தவான் மற்றும் நடிகை சமந்தா நடித்து வரும் நிலையில், த ஃபேமிலி மேன் புகழ் இயக்குநர்கள் ராஜ் அண்ட் டிகே இயக்கி வருகின்றனர். முன்னதாக சமந்தா, வருண் தவான் இடம்பெற்றிருக்கும் சீட்டடெல் போஸ்டர்கள் வெளியாகி கவனமீர்த்தன. இதேபோல் இத்தாலி, ஸ்பெய்ன் மற்றும் மெக்ஸிகோவிலும் தனித்தனி பதிப்புகள் வரவுள்ளன.
பல்வேறு இந்திய மொழிகளில் சீட்டடெல் சீரிஸ் வெளியாகும் நிலையில், முன்னதாக தமிழ் ட்ரெய்லர் இணையத்தில் வெளியாகி லைக்ஸ் அள்ளி வருகிறது.
மேலும் படிக்க: Krishnamoorthy about Vadivelu: தவசி படத்தின் எவர்க்ரீன் காமெடி உருவானது எப்படி? கிருஷ்ணமூர்த்தி - வடிவேலு காம்போ? த்ரோ பேக் இன்டர்வியூ