சிறு வயதிலேயே ”ஸ்டார்டம் “ என்னும் அந்தஸ்தை பெற்றவர் ஜஸ்டின் பீபர். பாப் பாடகரான ஜஸ்டினுக்கு உலகம் முழுவதும் ஏகப்பட்ட தீவிர ரசிகர்கள் உள்ளனர். ஜஸ்டின் பீபர் தனது காதல் முறிவுக்கு பிறகு பொதுவெளியில் நிறைய விமர்சனங்களை எதிர்க்கொள்ள வேண்டியதாக இருந்தது. அதையெல்லாம் பாசிட்டிவாக அனுகிய இளம்பாடகர் தற்போது உடல் ரீதியிலான பிரச்சனையை எதிர்க்கொண்டுள்ளார்.
தசை நரம்புகள் செயலிழப்பு :
ஜஸ்டின் பீபர் தற்போது மோசமான உடல்நல குறைவால் பாதிக்கப்பட்டிருக்கிறார். shingles என்னும் ஒரு வித தோல் பிரச்சனை காரணமாக , அவர் Ramsay Hunt Syndrome என்னும் தசை நரம்பு பிரச்சனை ஏற்பட்டிருக்கிறது. இதன் காரணமாக ஜஸ்டினால் முகத்தின் ஒரு பக்கத்தில் தசை நரம்புகள் செயலழிந்துள்ளது. இது குறித்து இன்ஸ்டாகிராம் பக்கத்தில் வீடியோ ஒன்றை பகிர்ந்த ஜஸ்டின் “ என்னால் ஒரு பக்கம் கண்களை அசைக்க முடியவில்லை. சிரிக்க முடியவில்லை. எனது நாசியும் அசையாது. எனது முகத்தின் ஒரு பக்கம் paralysis ஆகிவிட்டது. எனது அடுத்த நிகழ்ச்சிக்காக பலர் காத்திருப்பார்கள். நான் இந்த நேரத்தில் நிகழ்ச்சியை ரத்து செய்வதால் பலருக்கு அது அதிருப்தியை ஏற்படுத்தும் என்பதற்காகத்தான் இதனை பதிவு செய்ய விரும்பினேன். நீங்களே பார்க்க முடியும் எனது உடல்நிலை நிகழ்ச்சியில் பாடும் அளவிற்கு தகுதியானதாக இல்லை. எனக்கு 100 சதவிகிதம் ஓய்வு தேவை “ என தெரிவித்துள்ளார்.
நிகழ்ச்சிகள் ரத்து :
கொரோனாவிற்கு பிறகு ஜஸ்டினின் நிகழ்ச்சி ஒத்தி வைக்கப்படுவது இது மூன்றாவது முறை.28 வயதான பாப் பாடகர் ஜஸ்டின் டொராண்டோவில் தனது முதல் இசை நிகழ்ச்சிக்கு தயாராகும் சில மணி நேரங்களில் இந்த பிரச்சனையை சந்தித்துள்ளார். Justice World Tour என்னும் பெயரில் கனடா , சிங்கப்பூர் உள்ளிட்ட பல நாடுகளில் ஜஸ்டின் பீபர் மற்றும் அவரது குழுவினர் இசை நிகழ்ச்சியை நடத்த திட்டமிட்டிருந்தனர். இந்த சூழலில்தான் ஜஸ்டின் paralysis பிரச்சனையால் பாதிக்கப்பட்டிருக்கிறார். ஜஸ்டினின் தற்போதைய நிலையை கண்ட ரசிகர்கள் அவருக்கு சமூக வலைத்தளங்கள் மூலம் ஆறுதல் கூறி வருகின்றனர்,