பிக்பாஸ் நிகழ்ச்சியில் சென்ற வாரம் அளவுக்கு கூச்சல், குழப்பங்கள் இல்லாவிட்டாலும், இந்த வாரம் சண்டையும் சச்சரவுகளும் ஆங்காங்கே வெடித்துக் கொண்டு தான் இருந்தன. குறிப்பாக பிக்பாஸ் கொடுத்த சீக்ரெட் டாஸ்க்கால் தினேஷ் - விஷ்ணு இடையே வெடித்த சண்டை, விஷ்ணு - அக்ஷயா இடையே வெடித்த சண்டைகள் பேசுபொருளாகின.
வெகுண்டெழுந்த விசித்ரா
இவை தவிர, சென்ற வாரம் போல் இல்லாமல் இந்த வாரம் மாயா - பூர்ணிமா ஜோடி அடக்கி வாசிக்க, விசித்ரா நிக்ஸன் இடையே கருத்து வேறுபாடுகள் அதிகரித்துள்ளன. நாளை கமல்ஹாசன் பங்குபெறும் வீக் எண்ட் எபிசோட் நெருங்கியுள்ள நிலையில், தற்போது மீண்டும் ஹவுஸ்மேட்ஸ்கள் இடையே கூச்சல், குழப்பங்கள் மேலோங்கத் தொடங்கியுள்ளன.
விசித்ரா - நிக்ஸன் இடையே இன்று காலையே ஐஷூ வெளியேற்றம் தொடர்பாக வாக்குவாதங்கள் எழுந்த நிலையில், தற்போது விசித்ரா - அர்ச்சனா கூட்டணி, மற்ற ஹவுஸ்மேட்ஸ்கள் இடையே எழுந்துள்ள கருத்து வேறுபாட்டுடன் இரண்டாவது ப்ரோமோ வெளியாகியுள்ளது.
ஒர்ஸ்ட் பெர்ஃபாமருக்கான வாக்கெடுப்பில் விசித்ரா மற்றும் அர்ச்சனாவுக்கு சொல்லிவைத்தது போல் ஹவுஸ்மேட்ஸ்கள் ஒன்றிணைந்து முத்திரை குத்த, வெகுண்டெழுந்த விசித்ரா இன்னைக்கு விசித்ரா - பார்ட் 2வை பார்க்கபோறீங்க என சூளுரைக்கிறார்.
நாளை கமல்ஹாசன் எபிசோட் ஒளிபரப்பாக உள்ள நிலையில் ,இந்த வாரம் என்னென்ன பஞ்சாயத்துகள் எல்லாம் அவர் முன் எழும் என்ற எதிர்பார்ப்பு பிக்பாஸ் ரசிகர்களிடையே அதிகரித்துள்ளது.
வெளியேறப்போவது யார்?
மற்றொருபுறம் இந்த வாரம் சரவண விக்ரம், அக்ஷயா என இருவரும் குறைவான வாக்குகளைப் பெற்றுள்ள நிலையில் இருவரில் யாராவது ஒருவர் தான் வெளியேறப் போகிறார்கள் என்ற தகவல்கள் வெளியாகிவருகின்றன. நாளை இதுகுறித்த உறுதியான தகவல் தெரிந்துவிடும்.
சரவண விக்ரம் தன்னை டைட்டில் வின்னர் என சொல்லி தனியாக பிக்பாஸ் வீட்டில் அமர்ந்து பேசிக் கொண்டிருந்த வீடியோ வெளியானது முதல் அவர் பற்றிய மீம்கள் இணையத்தில் படையெடுத்து வருகின்றன. 47 நாள்களை பிக்பாஸ் நிகழ்ச்சி கடந்துள்ள நிலையில், மந்தமாகத் தொடங்கிய இந்த சீசன், கடந்த இரண்டு வாரங்களாக சூடுபிடித்து வருகிறது.
பிக்பாஸ் நிகழ்ச்சியின் இந்த சீசனில் இதுவரை 23 போட்டியாளர்கள் பங்குபெற்ற நிலையில், இவர்களில் பவா செல்லதுரை, விஜய் வர்மா, அனன்யா ராவ், வினுஷா தேவி, அன்னபாரதி, யுகேந்திரன், ஐஷூ , பிரதீப் ஆகியோர் நிகழ்ச்சியில் இருந்து தாமாக முன்வஎந்தும் எவிக்டாகியும் வெளியேறியுள்ளனர்.
தற்போது மாயா, பூர்ணிமா, ஜோவிகா, நிக்ஸன், சரவண விக்ரம், ரவீனா, மணி சந்திரா, தினேஷ் காமராஜ், ஆர்.ஜே.பிராவோ, அக்ஷயா உதயகுமார், விஷ்ணு விஜய், கூல் சுரேஷ், விசித்ரா, கானா பாலா, விஜே அர்ச்சனா ஆகியோர் நிகழ்ச்சியில் தொடர்ந்து வருகின்றனர்.
மேலும் படிக்க: Kamal Haasan: ப்ரேமம் இயக்குநருக்கு குரலால் தெம்பூட்டிய கமல்ஹாசன்.. அன்புக்கு தூது சென்ற நடிகர் பார்த்திபன்!