பிக்பாஸில் இரண்டு போட்டியாளர்களுக்கு அரெஸ்ட் வாரண்ட் கொடுக்கப்பட்டுள்ள சம்பவம் சக போட்டியாளர்களை அதிர்ச்சி அடைய செய்துள்ளது.
அரெஸ்ட் வாரண்ட்:
விஜய் டிவியில் ஒளிபரப்பாகும் பிக்பாஸ் சீசன் 7 கடந்த வாரம் தொடங்கி ஒளிபரப்பட்டு வருகிறது. வழக்கத்துக்கு மாறாக இரண்டு வீடுகள் கொண்ட இந்த சீசனில் முதல் வாரமே எவிக்ஷன் செய்யப்பட்டு போட்டியாளர்களில் ஒருவரான அனன்யா வெளியேற்றப்பட்டார். அடுத்ததாக பிக்பாஸ் போட்டியில் பங்கேற்ற பவா செல்லதுரை உடல்நிலை சரியில்லாத காரணத்தால் அவரே வெளியேறுவதாக அறிவித்துள்ளார்.
இந்த வாரத்துக்கான தலைவராக சரவண விக்ரம் தேர்வாகியுள்ளார். பிக்பாஸின் முதல் நாளில் இருந்தே சண்டைக்கு குறையில்லாமல் செல்லும் பிக்பாஸில் இந்த வாரம் அரெஸ்ட் வாரண்ட் பிறப்பிக்கப்பட்டுள்ளது. இன்றைய எபிசோடுக்கான ப்ரோமோவை விஜய் டிவி வெளியிட்டுள்ளது. அதில், பிக்பாஸ் வீட்டை சேர்ந்த இருவர் கடந்த வாரம் கண்காணிக்கப்பட்டு அரெஸ்ட் வாரண்ட் கொடுப்பதாக பிக்பாஸ் அறிவித்தது.
ப்ரோமோ வீடியோவில், “பிக்பாஸ் நிகழ்ச்சியில் முதல் முறையாக அரெஸ்ட் வாரண்ட் பிறப்பிக்கப்பட உள்ளது. மக்களை என்டர்டெய்மென்ட் செய்ய தான் உங்களின் முதல் கடமையாக இருக்க வேண்டும் என்று உங்கள் எல்லாருக்கும் சொல்லப்பட்டது. இந்த அடிப்படையில் போன வார்ம உங்கள் எல்லாரையும் கண்காணித்து போரிங் பர்ஃபாமர்ஸ் என்று தேர்வு செய்யப்பட்ட நபர்கள் அக்ஷயா மற்றும் வினுஷா. இந்த இரண்டு நபர்களும் ஜெயிலில் அடைக்கப்படுவார்கள்” என கூறப்பட்டுள்ளது. அக்ஷயாவுக்கு அரெஸ்ட் வாரண்ட் என பிக்பாஸ் கூறியதும், சிறிய பிக்பாஸ் வீட்டில் இருந்த விஷ்ணு சந்தோஷப்பட்ட காட்சிகளும் இடம்பெற்றிருந்தன.
மக்கள் மனதை கவராத போரிங் போட்டியாளர் என அக்ஷயா, வினுஷா தேர்வு செய்யப்பட்டுள்ளதாக பிக்பாஸ் கூறியதை கேட்டு அக்ஷயா கண்ணீர் விட்டு அழுத காட்சிகளும் இடம்பெற்றுள்ளன. இதற்கு முன்னதாக வெளியான இரண்டாவது ப்ரோமோவில், இந்த வாரத்துக்கான நாமினேஷனுக்கு விஷ்ணு, அக்ஷயா மற்றும் மாயாவின் பெயர்களை போட்டியாளர்கள் ஒவ்வொருவரும் கூறினர். அரெஸ்ட் வாரண்ட் கொடுக்கப்பட்டுள்ளதால் அக்ஷயா அழும் காட்சிகளும் இடம்பெற்றுள்ளன. முதல் ப்ரோமோவில் விஷ்ணு விஜய் வாக்குவாதம் செய்யும் காட்சிகள் இடம்பெற்றிருந்தன.
மேலும் படிக்க: Bigg Boss 7 Tamil: 'கடும் மன உளைச்சல்' பிக் பாஸ் வீட்டை விட்டு வெளியேறினார் பவா செல்லதுரை - ரசிகர்கள் அதிர்ச்சி