பிக்பாஸ் சீசன் 7: 


பிக்பாஸ் சீசன் தமிழ் 7 நிகழ்ச்சி இன்றைய தினம் 93வது நாளில் என்ட்ரி ஆகியுள்ளது. இன்னும் சில நாட்களில் வெற்றிகரமாக நிறைவடைய உள்ளது. இதனை அடுத்து, இந்த நிகழ்ச்சியில் டைட்டிலை வெற்றிக் கொள்ளப்போகும் போட்டியாளர் யார் என்று கேள்வி எழுந்துள்ளது. நிகழ்ச்சியில் டிக்கெட் டூ ஃபினாலே உள்ளிட்ட அதிரடி டாஸ்க்குகள்  அடுத்தடுத்து நடந்த நிலையில், அதில் கடுமையாக விளையாடி போட்டியாளர்கள் ரசிகர்களை கவர்ந்தனர். 


தற்போது மாயா, பூர்ணிமா, விசித்ரா, அர்ச்சனா, விஜய் வர்மா, மணி, விஷ்ணு மற்றும் தினேஷ் என 8 போட்டியாளர்கள் தொடர்ந்து வருகின்றனர். கடந்த ஆறு சீசன்களில் இல்லாத வகையில் இந்த சீசனில் மொத்தம் 8 போட்டியாளர்கள் இறுதி வாரத்துக்கு முந்தைய வாரத்தில் தொடர்ந்து வருகின்றனர்.


இந்நிலையில் ரசிகர்கள் பெரும் ஆவலுடன் எதிர்பார்த்த பணப்பெட்டி டாஸ்க் இன்றைய எபிசோடில் தொடங்கி உள்ளது. இதில் 8 போட்டியாளர்களில் ஒருவர் பணப்பெட்டியை எடுத்துக் கொண்டு வெளியேறலாம். போட்டியாளர்கள் எடுக்காமல் தவிர்க்க தவிர்க்க பணத்தின் மதிப்பு உயர்ந்துகொண்டே போகும்.  ஒரு லட்சம் ரூபாய் உடன் இந்த பணப்பெட்டி தற்போது பிக்பாஸ் வீட்டின் மத்தியில் திறந்துவைக்கப்பட்டுள்ளது. 


"மாயா தான் வின்னர்”


விஷ்ணு டிக்கெட் டு ஃபினாலே வென்று ஏற்கெனவே ஃபைனலுக்கு முன்னேறியுள்ள நிலையில் நேற்றைய நிகழ்ச்சியில் மாயா தான் பணப்பெட்டியை எடுக்கப்போவதாக தெரிவித்தார். இந்த நிலையில், இணையத்தில் அர்ச்சனா பேசும் வீடியோ ஒன்று வைரலாகி வருகிறது. அதாவது, "விசித்ராவிடம் பேசிய அர்ச்சனா, "இத்தனை நாட்கள் ஏகப்பட்ட பிரச்னைகள், விமர்சனங்கள் இவற்றை எல்லாம் தாண்டி  இந்த இடத்தில் நாம் ஏன் இருக்கணும்? அனைத்துமே மக்கள் பார்ப்பாங்க. என்னோட மனதில் மாயா தான் வெற்றி பெறுவாங்கனு தோணுது. ஒரு நாளை கடக்குறது தான் என்னுடைய பெரிய எதிர்பார்ப்பாக இருக்கு. வேறு ஒன்றும் இல்லை" என்றார். 


பிக்பாஸ் சீசன் 7 நிகழ்ச்சியின் தொடக்கத்தில் இருந்தே மாயா கலவையான விமர்சனங்களை பெற்று வந்தார். ஆரம்பத்தில் அவர் மீது ஏகப்பட்ட விமர்சனங்கள் இருந்தாலும், மாயா தான் சிறந்த பிளேயர் என்றும் ரசிகர்கள் கூறி வருகின்றனர்.  உண்மையில் சொல்லப் போனால் அவர் தனி ஒரு பிளேயர் ஆகத்தான் விளையாடி வருகிறார். 






பிரதீப்புக்கு ரெட் கார்டு கொடுத்தது, அர்ச்சனாவை கிண்டல் செய்தது என அனைத்து சம்பவங்களுக்கும் இவர் மீது விமர்சனங்கள் குவிந்தன. அதன்பின், தான் உண்டு தன் வேலை உண்டு இருப்பது போல மாயா இருந்து வருகிறார். இந்த நிலையில், தற்போது மாயா தான் டைட்டில் வின் பண்ணுவாங்க என்று அர்ச்சனா பேசிய வீடியோ  இணையத்தில் வைரலாகி வருகிறது.