விஜய் தொலைக்காட்சியில் ஒளிபரப்பாகும் பிக்பாஸ் நிகழ்ச்சி மிகவும் பிரபலம். இந்த தொடருக்கு என்று தமிழ்நாட்டில் ஏராளமான ரசிகர்கள் உள்ளனர். தற்போது இந்த பிக்பாஸ் நிகழ்ச்சியின் 6வது சீசன் விரைவில் தொடங்க இருப்பதாக தகவல் வெளியாகி வருகிறது.
தொகுப்பாளர் யார்..?
விக்ரம் திரைப்படத்திற்காக பிக்பாஸ் அல்டிமேட் நிகழ்ச்சியில் இருந்து விலகிய கமல், மீண்டும் பிக்பாஸ் நிகழ்ச்சிக்கு வர இருக்கிறார். தற்போது, நடிகர் கமல்ஹாசன் விக்ரம் படப்பிடிப்பு முடிந்து ப்ரீயாக இருப்பதால் அவரே இந்த 6வது சீசனை தொகுத்து வழங்க போவதாக தெரியவந்துள்ளது.
பிக்பாஸ் சீசன் 6 எப்போது தொடங்குகிறது..?
பிக்பாஸ் சீசன் 6 ஜூலை மாதம் இறுதியில் அல்லது ஆகஸ்ட் மாதம் தொடக்கத்தில் தொடங்கலாம் என்றும், இந்த நிகழ்ச்சிக்கான போட்டியாளர்களை தற்போது விஜய் டிவி தேர்ந்தெடுத்து வருகிறது என்றும் தகவல் கிடைத்துள்ளது.
இதுவரை நடந்த சீசன் வெற்றியாளர்கள் யார் ?
- பிக்பாஸ் சீசன் 1 - ஆரவ்
- பிக்பாஸ் சீசன் 2 - ரித்விகா
- பிக்பாஸ் சீசன் 3 - முகேன் ராவ்
- பிக்பாஸ் சீசன் 4 - ஆரி அர்ஜுன்
- பிக்பாஸ் சீசன் 5 - ராஜு ஜெயமோகன்
முன்னதாக, பிக்பாஸ் அல்டிமேட் நிகழ்ச்சி சமீபத்தில் நிறைவு பெற்றது. இந்த நிகழ்ச்சியில் தொடக்கம் முதலே இந்த நிகழ்ச்சியில் அசத்தி வந்த பாலா டைட்டில் வின்னராக வெற்றி பெற்று அசத்தினார். இவர் கடந்த பிக்பாஸ் சீசன் 4 நிகழ்ச்சியில் இரண்டாம் இடத்தை பிடித்தார் என்பது குறிப்பிடத்தக்கது.
ஒடிடியில் வெளியான பிக்பாஸ் அல்டிமேட் நிகழ்ச்சியின் பாதியில் இருந்து படப்படிப்பு காரணமாக கமல்ஹாசன் விலகினார். அதன்பிறகு நடிகர் சிம்பு மீதமுள்ள நிகழ்ச்சியை தொகுத்து வழங்கினார்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்