பிக்பாஸ் நிகழ்ச்சியில் இன்று வெளியாகியுள்ள 3வது ப்ரோமோவில் கிளப் ஹவுஸ் டாஸ்க்கில் சிறப்பாக செயல்பட்ட 2 போட்டியாளர்களை தேர்வு செய்யும் காட்சிகள் இடம் பெற்றுள்ளது.
விஜய் டிவியில் நடிகர் கமல்ஹாசன் தொகுத்து வழங்கும் பிக்பாஸ் நிகழ்ச்சியில் இதுவரை ஒளிபரப்பான 5 சீசன்களும் நல்ல வரவேற்பை பெற்ற நிலையில் கடந்தாண்டு ஓடிடி தளத்திற்கென பிரத்யேகமாக பிக்பாஸ் அல்டிமேட் நிகழ்ச்சி ஒளிபரப்பானது. இதனிடையே பிக்பாஸ் நிகழ்ச்சியின் 6வது சீசன் கடந்த அக்டோபர் 9 ஆம் தேதி கோலாகலமாக தொடங்கியது.
இந்நிகழ்ச்சியில் ஜி.பி.முத்து, பாடகர் அசல் கோலார், ராபர்ட் மாஸ்டர், திருநங்கை ஷிவின் கணேசன் , சாந்தி அரவிந்த், சீரியல் நடிகர் முகம்மது அஸீம், சீரியல் நடிகை ஆயிஷா, ஷெரின் ஷாம், மணிகண்ட ராஜேஷ், சரவணன் மீனாட்சி ரக்ஷிதா, ராம் ராமசாமி, பாடகர் தினேஷ் கனகரத்தினம் , விஜே மகேஸ்வரி, அமுதவாணன், நடனக் கலைஞர் மணிச்சந்திரா, விஜே கதிரவன், நடிகை குயின்ஸி, சிங்கப்பூர் மாடல் நிவாசினி, டிக்டாக் பிரபலம் தனலட்சுமி, விசிக மாநில செய்தி தொடர்பாளர் விக்ரமன் ஆகியோர் பங்கேற்றுள்ளனர்.
கடந்த 2 முறை பிக்பாஸ் டல் அடித்த நிலையில் இம்முறை முதல் வாரத்தில் இருந்தே அதிரடி காட்சிகள் அரங்கேறி வருகின்றது. அதுமட்டுமல்லாமல் 24 மணி நேர லைவ் ஒளிபரப்பு என்பதால் சமூக வலைத்தளம் முழுக்கவே பிக்பாஸ் காட்சிகள் தான் இடம் பெற்றுள்ளது. இந்நிலையில் இன்றைய நாளின் 3வது ப்ரோமோ வெளியாகியுள்ளது.
இதில் கிளப் ஹவுஸ் டாஸ்க்கில் சிறப்பாக செயல்பட்ட 2 போட்டியாளர்களை தேர்வு செய்யும் காட்சிகள் இடம் பெற்றுள்ளது. அதன்படி சாந்தி மற்றும் ஜிபி முத்து ஆகிய இருவரும் தேர்வு செய்யப்பட்டார்கள். இதில் ஜிபி முத்துவை சொல்லும் போது யதார்த்தமா இருந்தீங்க...இந்த வீட்டை வீடா மட்டும் தான் பார்த்தீங்க...டாஸ்க்கா பார்க்கல.. என சொல்கிறார்கள். இதைக்கேட்ட ஜிபி முத்து, இந்த வெள்ளை வேட்டி கட்டுனதுக்கு ஒரு மதிப்பு கிடைச்சிருக்கு என கலகலப்பாக தெரிவிக்கிறார்.