பிக்பாஸ் சீசன் 6 நிகழ்ச்சியின் பஞ்சாயத்து நாளை நடைபெறும் நிலையில், இன்று மணிகண்டா ராஜேஷிற்கும் விக்ரமனுக்கும் சண்டை மூண்டுள்ளது.
இந்த வாரம் முழுவதும் நடந்த நடிப்பிற்கான் டாஸ்க் முடிந்த நிலையில், அதற்கான விருது வழங்கும் விழாவும் நடைபெறவுள்ளது. அதில், சரியாக நடிக்காத நபர் யார் என்ற கேள்விக்கு, மணிகண்டா ராஜேஷ், விக்ரமனின் பெயரை கூறினார். இதனால், இருவருக்கும் இடையே பேச்சுவார்த்தை துவங்கியது.
பின்னர், இரண்டாவது ப்ரோமோவிலும் இவர்களுக்குள் நடக்கும் வாக்குவாதம் தொடர்பான காட்சிகள் இடம்பெற்றுள்ளது. கொள்கை.. அரசியல்..அது ..இது என விக்ரமன் பேசியபோது, மணிகண்டா அங்கு இருந்து விலகுகிறார். அதைப்பார்த்த விக்ரமன், “ஏன் ஓடுகின்றீர்கள்.. பேசுங்கள்” என கூறிகிறார். பின்னர், மணிகண்டா “சொல்லுங்க என்ன ஓடுகிறேன் என்று சொல்றீங்க. உங்களை பற்றி மட்டும் பேசுங்க.. பேசிட்டே இருங்க நான் வருகிறேன்.” என்று பதில் பேசினார்.சற்று டென்ஷனான விக்ரமன், “ பேசிட்டே இருக்கணுமா.. நான் என்ன உங்களுக்கு எண்டர்டெய்னரா நானு..” என்று சொன்னார்.
இந்த வாரத்தில் பெரிதாக எந்தவொரு வாக்குவாதமும் சண்டையும் இல்லாத நிலையில், கடைசி நாளான இன்று இது ஆரம்பித்துள்ளது. நாளை மற்றும் நாளை மறுநாள் கமலின் பஞ்சாயத்து இடம்பெறும் என்பது குறிப்பிடத்க்கது.
எலிமினேட் செய்யப்பட்ட போட்டியாளர்கள் :
இந்நிகழ்ச்சியின் முதல் வாரத்தில், ஜிபி முத்து அவராகவே வெளியேறினார். பின் அதே வாரத்தில் எலிமினேட் செய்யப்பட்ட சாந்தியை அடுத்து, இரண்டாம் வாரத்தில் அசல் கோலார் எலிமினேட் செய்யப்பட்டார். மூன்றாம் வாரத்தில் ஷெரினா ஷாம் வெளியேறினார். நான்காம் வாரத்தில் விஜே மகேஸ்வரி எலிமினேட் ஆனார். ஐந்தாம் வாரத்தில் நிவாஷினி வெளியேற ஆறாம் வாரத்தில் ராபர்ட் மாஸ்டர் வெளியேறினார். கடந்த வாரத்தில் குயின்ஸி வெளியேற்றப்பட்டார்.
எஞ்சிய போட்டியாளர்கள் :
இவர்கள் சென்ற பின், திருநங்கை ஷிவின் கணேசன், சீரியல் நடிகர் முகமது அஸிம், சீரியல் நடிகை ஆயிஷா, மணிகண்ட ராஜேஷ், சரவணன் மீனாட்சி ரச்சிதா, ராம் ராமசாமி, பாடகர் தினேஷ் கனகரத்தினம் , அமுதவாணன், விஜே கதிரவன், டிக்டாக் பிரபலம் தனலட்சுமி, விசிக மாநில செய்தி தொடர்பாளர் விக்ரமன், ஜனனி மற்றும் மைனா நந்தினி என மொத்தம் 13 போட்டியாளர்கள் உள்ளனர் என்பது குறிப்பிடத்தக்கது