பிக்பாஸ் நிகழ்ச்சியில் சக போட்டியாளரான குயின்ஸியிடம் அசல் கோளார் செய்த செயல் ரசிகர்களிடையே கடும் அதிர்வலைகளை கிளப்பியுள்ளது.
விஜய் டிவியின் பிரபலமான நிகழ்ச்சியான பிக்பாஸ் நிகழ்ச்சியின் 6வது சீசன் கடந்த அக்டோபர் 9 ஆம் தேதி தொடங்கியது.இதுவரை ஒளிபரப்பான 5 சீசன்களும் நல்ல வரவேற்பை பெற்ற நிலையில் கடந்தாண்டு ஓடிடி தளத்திற்கென பிரத்யேகமாக பிக்பாஸ் அல்டிமேட் நிகழ்ச்சி ஒளிபரப்பானது.
இந்நிகழ்ச்சியில் ஜி.பி.முத்து, பாடகர் அசல் கோலார், ராபர்ட் மாஸ்டர், திருநங்கை ஷிவின் கணேசன் , சாந்தி அரவிந்த், சீரியல் நடிகர் முகம்மது அஸீம், சீரியல் நடிகை ஆயிஷா, ஷெரின் ஷாம், மணிகண்ட ராஜேஷ், சரவணன் மீனாட்சி ரக்ஷிதா, ராம் ராமசாமி, பாடகர் தினேஷ் கனகரத்தினம் , விஜே மகேஸ்வரி, அமுதவாணன், நடனக் கலைஞர் மணிச்சந்திரா, விஜே கதிரவன், நடிகை குயின்ஸி, சிங்கப்பூர் மாடல் நிவாசினி, டிக்டாக் பிரபலம் தனலட்சுமி, விசிக மாநில செய்தி தொடர்பாளர் விக்ரமன் ஆகியோர் பங்கேற்றுள்ளனர்.
எப்போதும் முதல் வாரம் அடக்கி வாசிக்கும் போட்டியாளர்கள் இந்த சீசனில் முதலிலேயே எகிற ஆரம்பித்ததால் பார்வையாளர்களுக்கு சுவாரஸ்யமாக அமைந்தது. ஆனால் வழக்கம் போல ஒரு சிலர் சைலண்ட் மோடில் இருக்கிறார்கள். அதில் குயின்ஸியும் ஒருவர்.முதல் வாரம் என்பதால் பெரிதாக எந்த கறாரும் காட்டாமல் நிகழ்ச்சியை கமல் கலகலப்பாக கொண்டு சென்றார்.
இந்நிலையில் பிக்பாஸ் நிகழ்ச்சியின் முதல் நாமினேஷன் பிராஸசஸ் தொடங்கியுள்ளது. இந்நிலையில் சமூகவலைத்தளங்களில் வைரலாக பரவும் பிக்பாஸ் வீடியோ ரசிகர்களை முகம் சுழிக்க வைத்துள்ளது. அதாவது குயின்ஸி விக்ரமனிடம் பேசிக்கொண்டிருக்கிறார். அப்போது அருகில் நிற்கும் அசல் கோளார் குயின்ஸியின் கையை பிடித்து தடவிக் கொடுக்கிறார். இதனால் எரிச்சலடையும் அவர் அசல் கோளாரைப் பார்த்து இவன் வேற என சொல்லி கையை தட்டி விடுகிறார். ஆனால் தொடர்ந்து அசல் கோளார் குயின்ஸியை சீண்டுகிறார்.
இதனைப் பார்த்த ரசிகர்கள், அசலின் நடவடிக்கைகள் குயின்ஸி மற்றும் ஆயிஷாவிடம் சரியில்லை என்றும், அவரை ரெட் கார்டு கொடுத்து வெளியே அனுப்ப வேண்டும் எனவும் சரமாரியாக குற்றம் சாட்டியுள்ளனர்.