விஜய் டிவியில் ஒளிபரப்பாகி வரும் பிக்பாஸ் சீசன் 5 நிகழ்ச்சியில் முக்கிய பகுதியான கமல் கலந்துரையாடும் நிகழ்வு இன்று நடைபெற உள்ளது. வழக்கமாக சனி, ஞாயிறு தேதிகளில் போட்டியாளர்களிடம் கமல் உரையாடுவதும், அவர்களுக்கு அறிவுரை வழங்குவது, ஆலோசனை வழங்குவது போன்ற செயல்களில் ஈடுபடுவது என அனைத்து அம்சங்களும் அந்த இரு நாட்களில் இருக்கும்.
இன்று முதல்வாரத்தில் முதல் சந்திப்பு என்பதால், போட்டியாளர்களும், பார்வையாளர்களும் இன்றைய நாளை ஆவலோடு எதிர்பார்த்து காத்திருக்கின்றனர். இந்நிலையில் இன்றைய நாளுக்கான ப்ரொமோ சற்று முன் வெளியானது. அதில் அரங்கத்தில் அமர்ந்திருக்கும் பார்வைகளுக்கு மத்தியில் ஸ்டைலாக நடைபோட்டு வரும் கமல், அவர்களுக்கு வணக்கத்தை கூறி தனது வழக்கமான பாணியில் பீடிகை போடத் தொடங்குகிறார். இதோ அவர் பேசியது அப்படியே...
‛‛வெற்றிக்கு ஒரே பார்முலா தான், தடைகளை வென்று முன்னேறுவது தான் வெற்றி. வெற்றி இறுதி இலக்கல்ல. தொடர் நிகழ்வு தான் வெற்றி. அனைவருக்குமே வெற்றிகள் தொடர வேண்டும் என்பது தான் ஆசையாக இருக்கும். இவர்கள் தொடர்ந்து முன்னேறுவார்களா பார்க்கலாம்...’’ என்று அந்த உரை உள்ளது.
கமலின் இந்த பீடிகை பேச்சு... இந்த வாரம் எலிமினேஷல் இருக்குமோ என்கிற சந்தேகத்தை ஏற்படுத்துகிறது. இந்த சந்தேகம் பார்வையாளர்களுக்கு மட்டுமல்லாமல், கமல் முன் திரையில் தோன்றும் போட்டியாளர்களுக்கும் ஏற்பட்டது. மரண பீதியில் அனைவர் முகத்திலும் ஈ ஆடவில்லை. அப்படியோ அரண்டு போய் கமல் பேசுவதை கேட்கிறார்கள். பார்க்கலாம்... கமல் வழக்கம் போல பில்டப் கொடுத்து ‛சப்’ என முடிக்கிறாரா... இல்லை... அதிக போட்டியாளர்கள் இருப்பதால், ஏதாவது டுவிஸ்ட் வைத்திருக்கிறார் என்பதை பொறுத்திருந்து பார்க்கலாம்.
இதோ கமல் பேசும் அந்த ப்ரொமோ வீடியோ...
ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்