வெளிநாடுகளில் ஒளிபரப்பாகி மிகவும் பிரபலமான தொடர் பிக்பாஸ். ரியாலிட்டி ஷோவான இந்த நிகழ்ச்சியில் இந்தியாவிலும் தமிழ், தெலுங்கு, மலையாளம், இந்தி என பல மொழிகளில் ஒளிபரபப்பு செய்யப்பட்டு வருகிறது. இந்தியாவில் முதன் முதலில் இந்தியில்தான் பிக்பாஸ் நிகழ்ச்சி ஒளிபரப்பானது.


பிக்பாஸ்:


இந்தியாவிலே பிக்பாஸ் ரசிகர்களை அதிகளவில் கொண்ட தொகுப்பாக இந்தி பிக்பாஸ் தொடர் உள்ளது. இந்த நிலையில், பிக்பாஸ் தொடர்கள் தற்போது ஓடிடி தளத்தில் 24 மணிநேரமும் ஒளிபரப்பு செய்யும் வகையில் கொண்டு வரப்பட்டுள்ளது. அந்த வகையில் தற்போது பிக்பாஸ் இந்தியிலும் ஓடிடி  2 இன்று தொடங்க உள்ளது.


சல்மான்கான் தொகுத்து வழங்கும் இந்த நிகழ்ச்சியில் பாலிவுட் பிரபலங்கள் அவினாஷ் சச்தேவ், அகன்ஷா பூரி, ஆலியா, பேபிகா துர்வே, பலக்நாஸ், ஜியாசங்கர், மணிஷாராணி, பாலக் பர்ஸ்வானி ஆகியோர் பங்கேற்க உள்ளதாக கூறப்படுகிறது.


மியா கலிபா:


இந்த நிலையில், பிக்பாஸ் ரசிகர்களுக்கு இன்ப அதிர்ச்சியாக இந்த ஓடிடி வெர்சன் பிக்பாஸ் நிகழ்ச்சியில் பிரபல ஆபாச பட நடிகை மியா கலிபா பங்கேற்க உள்ளதாக கூறப்படுகிறது. அவர் வைல்டு கார்டு என்ட்ரீயாக இந்த நிகழ்ச்சியில் பங்கேற்க உள்ளதாக கூறப்படுகிறது. மியா கலிபா மட்டுமின்றி ஷில்பாஷெட்டியின் கணவர் ராஜ்குந்த்ரா ஆகியோரும் பங்கேற்க உள்ளதாக கூறப்படுகிறது.


இந்தி பிக்பாஸ் சீசன்களை சல்மான்கான் இதுவரை தொகுத்து வழங்கியிருந்தாலும், ஓடிடி தளத்தில் வெளியாகும் பிக்பாஸ் நிகழ்ச்சியில் சல்மான்கான் தொகுத்து வழங்குவதே இதுவே முதன்முறை ஆகும். பிக்பாஸ் நிகழ்ச்சியை தொகுத்து வழங்குவதற்காக கடந்த சீசனில் 1000 கோடி ரூபாய் சம்பளம் பெற்றதாக தகவல் வெளியானது.


ரசிகர்கள் எதிர்பார்ப்பு:


மியா கலிபா பிக்பாஸ் நிகழ்ச்சியில் பங்கேற்க உள்ளதாக வெளியாகியுள்ள தகவல் ரசிகர்கள் மத்தியல் மகிழ்ச்சியை ஏற்படுத்தியுள்ளது. பிக்பாஸ் ஓடிடி தள நிகழ்ச்சியானது 24 மணி நேரமும் நேரலையில் ஒளிபரப்பாகும் நிகழ்ச்சியாகும். தென்னிந்தியாவில் ஒளிபரப்பாகும் பிக்பாஸ் நிகழ்ச்சிகளுக்கும், இந்தியில் ஒளிபரப்பாகும் பிக்பாஸ் நிகழ்ச்சிக்கும் டாஸ்க், மோதல், போட்டிகள் போன்ற பல வகையிலும் வித்தியாசங்கள் இருக்கும்.


இந்தி பிக்பாஸ் நிகழ்ச்சி மற்ற பிக்பாஸ் நிகழ்ச்சிகளை காட்டிலும் காரசாரமாக இருக்கும் நிலையில், பிக்பாஸ் ஓடிடி இன்னும் காரசாரமாக இருக்கும் என்று எதிர்பார்க்கப்படுகிறது. இந்த பிக்பாஸ் ஓடிடி இந்தி ரியாலிட்டி ஷோ ஜியோ சினிமாவில் நேரலை செய்யப்பட உள்ளது. தமிழில் பிக்பாஸ் நிகழ்ச்சியை கமல்ஹாசன் தொகுத்து வழங்கி வருகிறார். விரைவில் புதிய சீசன் தொடங்க உள்ளது குறிப்பிடத்தக்கது.


மேலும் படிக்க: Vijay Gifted Diamond necklace :600க்கு 600 மதிப்பெண் பெற்ற மாணவி நந்தினிக்கு வைர நெக்லஸ் பரிசளித்த நடிகர் விஜய்


மேலும் படிக்க: Vijay Speech: மாணவர்கள் மத்தியில் அசுரன் பட வசனம் பேசிய நடிகர் விஜய்..! தளபதியை பாதிச்ச அந்த வரிகள்..!