Bigg Boss 7 Tamil:  பிக்பாஸ் சீசன் 7 இன் இன்றைய ப்ரோமோ வெளியாகியுள்ளது. அதில், போட்டியாளர்கள் புத்தி, சக்தியை வைத்து விளையாடினார்கள் என்றும், அதில் யாருக்கு சாதகம், யாருக்கு பாதகமாக அமைய போகிறது என்பதை பார்க்கலாம் என கமல்ஹாசன் கூறியுள்ளார். அதேநேரம் இந்த வார எலிமினேட் செய்யும் நபராக விஜய் இருப்பார் என்று எதிர்பார்க்கப்படுகிறது.


யாருக்கு சாதகம்? யாருக்கு பாதகம்?


கடந்த 1ம் தேதியில் இருந்து கமல்ஹாசன் தொகுத்து வழங்கும் பிக்பாஸ் சீசன் 7 நிகழ்ச்சியின் புரோமோ வெளியாகியுள்ளது. முதல் புரோமோவில் பேசியுள்ள கமல்ஹாசன், ”இந்த வாரம் முழுவதும் புத்தியை வைத்து ஒரு விளையாட்டு விளையாடினார்கள். சக்தியை வைத்து ஒரு விளையட்டு விளையாடினார்கள். ரொம்ப அக்ரஸ்சிவாக இருந்தது. புத்தியை வைத்து விளையாடியவர்களுக்கு என்ன பலன், சக்தியை வைத்து விளையாடியவர்களுக்கு என்ன பலன். யாருக்கு சாதகமாக அமையப் போகிறது. யாருக்கு இது பாதகமாக அமையப்போகிறது என்பதை பார்க்கலாம் “ என கூறியுள்ளார். 


நேற்று போட்டியாளர்களுக்கு ஆக்ஸிஜன் சிலிண்டர் டாஸ்க் வைக்கப்பட்டது. அதில், ஆக்சிஜன் சிலிண்டரை கைப்பற்ற ஒவ்வொரு போட்டியாளரும் முயன்றது கிட்டதட்ட மல்யுத்த போட்டியை போல இருந்தது. விக்ரம், ரவீனாவின் கால்களைப் பிடித்துக்கொண்டு அவரை நகரவிடாமல் தடுத்தார். இன்னொருபக்கம் விஜய் விஷ்ணுவை நகரவிடாமல் தடுக்க,  நிக்ஸன் மற்றும் மணி ஆகியோர் ஸ்மால் பாஸ் வீட்டிலிருந்தவர்களின் கைகளிலிருந்து ஆக்ஸிஜன் பாட்டில்களை எடுத்துச்செல்வதில் கவனத்தை செலுத்தினர்.


விஜய் ரெட் கார்டு:


அப்போது நிக்ஸன் எடுத்துவந்த ஆக்சிஜன் பாட்டில்களை எடுத்து வரும்போது, மூடியிருக்கும் கண்ணாடி கதவில் மோதியதால்,  கண்ணாடி நொறுங்கி விழுந்தது. அதனால் பிரதீப்பும், நிக்ஸனும் சிறுகாயம் அடைந்தனர். அடுத்த ரவுண்டில், விஜய்க்கும் பிரதீப்பிற்கும் பலத்த போட்டி ஏற்பட்டதில் இருவரும், ஒருவருக்கு ஒருவர் ஆக்ரோஷமாக மோதிக்கொண்டனர். இதில் விஜய் ஒருபடி மேலே போய் பிரதீப்பை தூக்கி தரையில் அடித்தார்.


இதன் காரணமாக இந்த வாரம் விஜய்க்கு ரெட் கார்டு கொடுத்து அவரை வெளியேற்ற வேண்டும் என ரசிகர்கள் கமெண்ட் கூறி வருகின்றனர். ஏற்கெனவே என்மீது கை வைத்தால் வெளியே உள்ள ஆட்கள் வகுந்து விடுவார்கள் என போட்டியாளர்களிடம் வன்முறையாக பேசிய விஜய் மஞ்சள் கார்டு வாங்கி இருந்தார். இந்த நிலையில் இந்தவார டாஸ்கில் பிரதீப்பை விஜய் தாக்கி இருப்பதாலும், அவருக்கு குறைந்த வாக்குகள் கிடைத்தாலும் பிக்பாஸ் வீட்டை விட்டு வெளியேற வாய்ப்பு இருப்பதாக கூறப்படுகிறது. 


அதேநேரம் இன்று வெளியான இரண்டாவது புரோமோவில், ஆக்சிஜன் பாட்டிலை யுகேந்திரன் தராமல் இருந்தது குறித்து கமல்ஹாசனிடம் சக போட்டியளர்கள் குற்றம்சாட்டினர். மூன்றாவது புரோமோவில், விசித்ரா தனது வளர்ச்சிக்கு தடை என்று பிரதீப்பும், பிரதீப் தனது வளர்ச்சிக்கு தடை என்றும் கூறி ப்ளாக் ஸ்டோன் கொடுத்துள்ளனர். அதேபோல், கூல் சுரேஷ், ரவீனா ஆகியோர் தங்களுக்கு தடையாக மாயா இருப்பதாக கூறி பிளாக் ஸ்டோன் கொடுத்துள்ளனர்.