வெள்ளித்திரை போல தற்போது சின்னத்திரைக்கும் ஏராளனமான ரசிகர்கள் குவிந்து வருகிறார்கள். இதனால் நாளுக்கு நாள் சீரியல்கள் எடுக்கப்படும் விதமும் வெள்ளித்திரை போல மாறி வருகிறது. குறிப்பாக தமிழில் சொல்ல வேண்டுமென்றால், பாக்கியலட்சுமி, பாண்டியன் ஸ்டோர்ஸ், பாரதி கண்ணம்மா உள்ளிட்ட சீரியல்கள் மக்களிடம் ஏகோபித்த வரவேற்பை பெற்று வருகிறது. இதில் பாரதி கண்ணம்மா சீரியல் ரசிகர்களின் விருப்பத்தில் முண்ணனியில் இருந்து வருகிறது.
விஜய் டிவியில் திங்கள் முதல் வெள்ளி வரை இரவு 9 மணி முதல் 9.30 மணி வரை பாரதி கண்ணம்மா சீரியல் ஒளிப்பரப்பாகிறது. நடுத்தர குடும்பத்தை சேர்ந்த ஒரு பெண்ணுக்கு வசதியான குடும்பத்தில் வாழ்வதற்கான வாய்ப்பு கிடைக்கிறது. ஒரு கட்டத்தில் அவர் கர்ப்பமாக, அதுவே அவளுக்கு பிரச்னையாக மாறுகிறது. அதன் காரணமாக வீட்டை விட்டு வெளியேறும் அவள் எப்படி தனது வாழ்கையை வெற்றிக் கொள்கிறாள் என்பதுதான் கதை.
இந்த சீரியலின் கண்ணம்மா கதாபாத்திரத்தில் நடித்த ரோஷ்னி ஹரிப்பிரியன் அண்மையில் இந்த சீரியலில் இருந்து விலகினார். அவருக்கு பதிலாக வினுஷா என்பவர் கண்ணம்மா கதாபாத்திரத்தில் நடிக்க ஒப்பந்தமானார்.
இந்த சீரியலில் தற்போது பாரதி, கண்ணம்மாவிடம் விவாகரத்து கேட்டு நீதிமன்றத்தில் வழக்கு தொடர்ந்துள்ளார். இந்த வழக்கில் நீதிமன்றம் என்ன தீர்ப்பு கொடுக்க போகிறது, அதன் பின்னர் இந்த இருவரின் வாழ்கை என்னவாகப் போகிறது என்பது சஸ்பென்ஸாக இருந்த நிலையில், தற்போது வெளியாகி உள்ள ப்ரோமோ சீரியலில் எதிர்பார்ப்பை எகிற வைத்திருக்கிறது. அந்த ப்ரோமோவில், நீதிமன்றம் உங்களுக்கு இடையே சரியான புரிதல் இல்லாததே நீங்கள் நீதிமன்றம் வரை வந்ததற்கான காரணம் என்று கூறி, பாரதி கேட்ட விவாகரத்தை தர மறுத்துள்ளது. மேலும் 6 மாத காலம் பாரதியும் கண்ணம்மாவும் இணைந்து வாழ வேண்டும் என்றும் உத்தரவிடுவது தொடர்பான காட்சிகள் இடம் பெற்றுள்ளது. இந்தப் ப்ரோமா தற்போது சமூக வலைதளங்களில் வைரலாகி வருகிறது.