இந்தியில் ஷாருக்கானை வைத்து அட்லீ இயக்கும் ‘ஜவான்’ படத்தில் நடிகை தீபிகா படுகோன் நடிக்க இருப்பதாக தகவல் வெளியாகியுள்ளது.
இயக்குநர் அட்லீ இயக்கத்தில் பாலிவுட் நடிகர் ஷாருக்கான் நடிப்பில் உருவாகி வரும் திரைப்படம் ஜவான். நயன்தாரா கதாநாயகியாக நடிக்கும் இந்தப்படத்தில் பிரபல நடிகையான தீபிகா படுகோன் நடிக்க இருப்பதாக பிரபல இணையதளமான பிங்க் வில்லா செய்தி வெளியிட்டுள்ளது.
அந்த செய்தியின் படி, “ சமீப நாட்களாக ஷாருக்கான் மற்றும் அட்லீ தீபிகா படுகோனுடன் பேசி வருகிறார்கள். ஜவான் படத்தில் தீபிகா படுகோன் ஒரு முக்கியமான கதாபாத்திரத்தில் நடிக்க இருக்கிறார். அவரின் கதாபாத்திரத்திற்கான ஸ்கிரிப்ட் வேலைகள் இன்னும் முடியவில்லை என்ற போதிலும் அவர் இந்தப்படத்தில் நடிக்க ஒப்புக்கொண்டு விட்டார்.
இது தொடர்பாக ஹைதராபாத்தில் புராஜெக்ட் கே படத்தில் நடித்து வரும் தீபிகாவிடம் அட்லீ மற்றும் ஷாருக்கான் ஆகியோர் சந்தித்து பேசி அந்தக் கதாபாத்திரம் மற்றும் டேட்ஸ் ஒதுக்கீடு குறித்து பேசியிருக்கின்றனர். இவரைப்போலவே பாலிவுட்டின் இன்னொரு முன்னணி நடிகரும் இந்தப்படத்தில் நடிக்க இருப்பதாக சொல்லப்படுகிறது" என்று அதில் குறிப்பிடப்பட்டுள்ளது.
அனிருத் இசையமைக்கும் இந்தப்படம் அடுத்த வருடம் ஜூன் 3 ஆம் தேதி வெளியாக இருக்கிறது.