தமிழ் சினிமாவின் முன்னணி இயக்குநர்களில் ஒருவரான ஹரியின் இயக்கத்தில் அருண்விஜய் நடித்துவரும் படம் யானை. அருண் விஜய்க்கு ஜோடியாக ப்ரியா பவானி சங்கர் நடிக்கிறார்.
ட்ரம்ஸ்டிக் நிறுவனம் தயாரிக்கும் இப்படத்தில் சமுத்திரக்கனி, யோகிபாபு, ராதிகா, தலைவாசல் விஜய், அம்மு அபிராமி உள்ளிட்ட பலர் நடிக்கின்றனர். ஜி.வி. பிரகாஷ் இசையமைக்கிறார்.
ஆக்ஷன் மற்றும் சென்ட்டிமெண்ட்களில் அதிக கவனம் செலுத்தும் ஹரியின் படத்தில் அவரது உறவினரான அருண் விஜய் நடிப்பதால் இப்படத்தின் மீது எதிர்பார்ப்பு அதிகரித்துள்ளது.
யானை படத்தின் போஸ்டரும், பெயரும் விநாயகர் சதுர்த்தியன்று வெளியானது. யானை படம் அருண்விஜய்க்கு 33ஆவது படம் என்பதால் போஸ்டரை 33 பிரபலங்கள் பகிர்ந்திருந்தனர்.
இந்நிலையில் யானை படத்தின் டீசர் இன்று வெளியாகியிருக்கிறது. பாம்பன் பாலம் ஒரு கடல், இரு கரை, ஒரு காதல், பெரும் துரோகம், ஒரு நட்பு, பெரும் பகை என்ற வசனத்துடன் தொடங்கும் டீசரானது தூக்கி சுமக்கவும் தெரியும், தூக்கிப்போட்டு மிதிக்கவும் தெரியும் என்ற வசனத்துடன் முடிவடைகிறது.
ஹரி படத்தில் வழக்கம்போல் இருக்கும் ஆக்ஷன் காட்சிகள் இதிலும் இடம்பெற்றுள்ளது. பல வருடங்களாக பெரிய வெற்றிக்காக காத்திருக்கும் அருண் விஜய்க்கு அவரது உறவினரான ஹரி இயக்கும் இந்தப் படத்தின் மூலம் அது கிடைக்கும் எனவும், பெரிய உழைப்பை இந்தப் படத்திற்கு ஹரி கொடுத்திருக்கிறார் எனவும் கோலிவுட்டில் பேசப்படுகிறது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
மேலும் வாசிக்க: Rajinikanth On Hoote | ”நல்லவங்கள ஆண்டவன் சோதிப்பான் கைவிட மாட்டான்..” ரஜினிகாந்த் பதிவிட்ட ஹூட் ஆடியோ
பள்ளிகளுக்கு டிசம்பர் 25 முதல் ஜனவரி 2 வரை அரையாண்டு விடுமுறை - அமைச்சர் அன்பில் மகேஷ்