காதலர் தினம் மாலை முதல் இணையத்தை ஆக்கிரமித்திருக்கிறது பீஸ்ட் திரைப்படத்தின் அரபிக் குத்து. துள்ளல் இசையுடன் நடனமாடத் தூண்டும் அரபிக் குத்து இப்போது சோஷியல் மீடியா வைரல். ஹலமதிஹபிபோ என ஆளாளுக்கு அதிரடியாக ஆடி சோஷியல் மீடியாவில் பதிவிட்டு வருகின்றனர். ஒரு பாடல் வீடியோ வைரலாவதும் அது தொடர்பான ஸ்டெப்ஸ் இணையத்தில் ட்ரெண்டாவதும் புதிதல்ல. ஸ்ரீவள்ளி பாடல், குட்டமொம்மா, ரெளடி பேபி பாடல் போன்ற பாடல்கள் ஏற்கெனவே பட்டித் தொட்டி எங்கும் பட்டையைக் கிளப்பின. அந்த வரிசையில் தற்போது ஹலமதிஹபிபோ பாடலும் இணைந்துவிட்டது.
தனியாக, கூட்டமாக, ஜோடியாக என ஹலமதிஹபிபோ என டான்ஸ் வீடியோக்கள் பரவி வருகின்றன. குட்டீஸ் முதல் வயதானனவர்கள் வரை இடுப்பை வளைத்து ஹலமதிஹபிபோ என ஆட்டம் போடுகின்றனர். இது குறித்து மகிழ்ச்சியை பதிவு செய்துள்ள இயக்குநர் நெல்சன் எங்கெங்கும் ஹலமதிஹபிபோ என பதிவிட்டுள்ளார். மேலும் #HalamathiHabibo என்ற ஹேஸ்டேக் போட்டு நீங்களும் டான்ஸ் ஆடலாம் என ஒரு ட்ரெண்டிங்கையும் உருவாக்கியுள்ளது தயாரிப்புக்குழு.
ஜானி மாஸ்டர்..
பட்டையைக் கிளப்பும் ஹலமதிஹபிபோ பாடலின் டான்ஸ் மாஸ்டர் ஜானி. ஜானி மாஸ்டர் என திரையுலகில் அறியப்படும் இவர் பிரபுதேவாவின் அசிஸ்டெண்ட். உலகப்பிரபலம் அடைந்த ரெளடி பேபி பாடலுக்கு இவர் வேலை பார்த்துள்ளார். தெலுங்கில் பல படங்களுக்கு நடன இயக்குநராக பணியாற்றியுள்ளார் ஜானி. குட்டமொம்மா பாடலும் ஜானியின் ஸ்டெப்ஸ்தான்..
பாருங்க சில டான்ஸ்..