இசைப்புயல் ஏ.ஆர்.ரஹ்மானை மனைவி சாய்ரா பானு விவாகரத்து செய்வதாக அறிவித்துள்ளது அதிர்ச்சியை ஏற்ப்படுத்தியுள்ள நிலையில் ஏ.ஆர் ரஹ்மானும் மகன் அமீனும் தங்களின் தனியுரிமைக்கு மதிப்பளிக்க வேண்டும் என கேட்டுக்கொண்டுள்ளனர்.
முடிவுக்கு வந்த 29 ஆண்டு திருமண வாழ்க்கை:
ஆஸ்கார் விருது வென்ற இசைப்புயல் ஏ.ஆர் ரஹ்மானும் அவரது மனைவி சாய்ராவும் அடுத்த ஆண்டு மார்ச் மாதம் தங்கள் 30 ஆண்டு திருமண நாளை கொண்டாட இருந்த நிலையில் தற்போது அது முடிவுக்கு வந்துள்ளது. ஏ.ஆர் ரஹ்மானும் சாய்ராவும் 1995ஆம் ஆண்டு மார்ச் மாதத்தில் சென்னையில் திருமணம் செய்து கொண்டனர். ரஹ்மானுக்கும் அவரது மனைவி சாய்ராவுக்க இரண்டு மகள்கள் மற்றும் அமீன் என்கிற மகனும் உள்ளனர்.
சாய்ரா வெளியிட்டுள்ள அறிக்கை:
இந்நிலையில் ஏ.ஆர்.ரஹ்மான் - சாய்ரா தம்பதி விவாகரத்து செய்ய உள்ளதாக அறிவித்துள்ளனர்.. இதுகுறித்து சாய்ராவின் வழக்கறிஞர் வெளியிட்டுள்ள அறிக்கையில், “திருமணமாகி பல வருடங்களுக்குப் பிறகு, திருமதி சாய்ரா தனது கணவர் திரு. ஏ.ஆர். ரஹ்மானிடமிருந்து பிரிந்து செல்வது என்ற கடினமான முடிவை எடுத்துள்ளார். இந்த முடிவு அவர்களின் உறவில் ஏற்பட்ட மன உளைச்சலுக்குப் பிறகு எடுக்கப்பட்டது. ஒருவருக்கொருவர் ஆழ்ந்த அன்போடு இருவரும் முடிவு செய்துள்ளனர். வலி மற்றும் வேதனையால் தான் இந்த முடிவை எடுத்துள்ளதாக திருமதி சாய்ரா தெரிவித்துள்ளனர். இந்த சவாலான நேரத்தில் பொதுமக்கள் எங்களது தனியுரிமை மற்றும் புரிதலை அவர் உங்களிடம் கேட்டுக்கொள்கிறார். ஏனெனில் அவர் தனது வாழ்க்கையின் கடினமான நேரத்தில் உள்ளார்” என அறிக்கையில் தெரிவிக்கப்பட்டுள்ளது.
விவகாரத்து குறித்து ரஹ்மான்:
தங்கள் விவகாரத்து குறித்து சமூக வலைதளத்தில் ஏ.ஆர்.ரஹ்மான் தெரிவித்திருப்பதாவது, எங்கள் திருமண வாழ்வில் நாங்கள் முப்பது ஆண்டுகளை எட்டுவோம் என்று நம்பினோம், ஆனால் எல்லாமே கண்ணுக்குத் தெரியாத முடிவாகத் தெரிகிறது. கடவுளின் சிம்மாசனம் கூட உடைந்த இதயங்களின் கனத்தில் நடுங்கக்கூடும். இன்னும், இந்த சிதைவில், துண்டுகள் மீண்டும் தங்கள் இடத்தைக் கண்டுபிடிக்கவில்லை என்றாலும், அர்த்தத்தைத் தேடுகிறோம். எங்கள் நண்பர்கள், இந்த பலவீனமான நேரத்தை நாங்கள் கடந்து செல்லும்போது ஆதரவாக இருக்கும் நண்பர்களுக்கும் எங்கள் தனியுரிமைக்கு மதிப்பளித்ததற்கும் நன்றி என்று ரஹ்மான் அறிவித்துள்ளார்.
ஏ.ஆர் அமீன் பதிவு :
தனதுஅப்பா மற்றும் அம்மாவின் விவகாரத்து குறித்து தனது இன்ஸ்டாகிராமில் பதிவிட்டுள்ள ரஹ்மானின் மகன் ஏ.ஆர் அமீன் “இந்த கடினமான தருணத்தில் எங்களது தனியுரிமைக்கு அனைவரும் மதிப்பளிக்க வேண்டும்” என்று பதிவிட்டுள்ளார்.