திருமணமாகி ஒரு மாதம் முடிந்துள்ள நிலையில், அதை கொண்டாடும் விதமாக, திருமண நிகழ்வில் கலந்து கொண்ட பிரபலங்களின் புகைப்படங்களை விக்னேஷ் சிவன் வெளியிட்டு வருகிறார். இந்நிலையில் ஏ.ஆர். ரகுமான் மற்றும் அவருடைய மகன் புகைப்படங்களை விக்னேஷ் சிவன் வெளியிட்டார்.
தமிழ் சினிமாவில் நட்சத்திர காதல் ஜோடிகளாக வலம் வந்த நடிகை நயன்தாரா, விக்னேஷ் சிவன் திருமணம் கடந்த மாதம் மாமல்லபுரத்தில் வெகு விமரிசையாக நடைபெற்றது. இந்த திருமணத்தில் குடும்பத்தினர்கள், நெருங்கிய நண்பர்கள், முக்கிய பிரபலங்கள் மட்டுமே பங்கேற்றனர்.
இந்நிலையில் சில நாட்களுக்கு முன்பு, திருமணத்தில் ரஜினிகாந்த், ஷாருக்கான், சூர்யா மற்றும் அவரது மனைவி ஜோதிகா, விஜய்சேதிபதி மற்றும் அவரது மனைவி உள்ளிட்டோர் கலந்து கொண்டு வாழ்த்திய புகைப்படங்களை வெளியிட்டார்.
தற்போது ஏ.ஆர். ரகுமான் கலந்து கொண்டு மணமக்களை வாழ்த்திய புகைப்படங்களை விக்னேஷ் சிவன் வெளியிட்டார். ஏ.ஆர். ரகுமானுடன் அவரது மகன் அமீனும் திருமண நிகழ்ச்சியில் பங்கேற்றுள்ளார்.