`மாநகரம்’ படம் மூலமாகத் தமிழ் சினிமாவிற்கு இயக்குநராக அறிமுகமான லோகேஷ் கனகராஜ் தனது அசத்தலான கதைசொல்லும் உத்தி மூலமாக அனைவரின் கவனத்தையும் ஈர்த்தார். தொடர்ந்து நடிகர் கார்த்தியுடன் இணைந்த அவர் `கைதி’ திரைப்படத்தை இயக்கினார். ஆக்ஷன் படமாக உருவாகியிருந்த இந்தப் படம் ரசிகர்களின் பெரும் வரவேற்பைப் பெற்றது. இந்தத் திரைப்படத்தை இயக்கிக் கொண்டிருந்த போதே, அவருக்கு நடிகர் விஜயுடன் இணைய வாய்ப்பு கிடைக்க, அந்த வாய்ப்பை சரியாக பயன்படுத்திக் கொண்ட அவர் ‘மாஸ்டர்’ படத்தை இயக்கினார்.
கடந்த 2021ஆம் ஆண்டு திரையரங்குகளில் வெளியான `மாஸ்டர்’ திரைப்படம் மிகப் பெரிய வெற்றியைப் பெற்றது. பல முன்னணி இயக்குநர்களின் பாராட்டுகளையும் ரசிகர்களின் அன்பையும் பெற்ற லோகேஷூக்கு தொடர்ந்து, நடிகர் கமல் ஹாசனுடன் `விக்ரம்’ திரைப்படத்தின் மூலமாக இணைந்துள்ளார். இயல்பிலேயே கமல் ஹாசன் ரசிகரான இவர், அவரது திரைப்படத்தை இயக்குவதால் படத்திற்கு மிகப்பெரிய எதிர்பார்ப்பு நிலவுகிறது.
அண்மையில் `விக்ரம்’ படத்தின் மேக்கிங் வீடியோ இணையதளங்களில் வெளியாகி வைரலானது. இதன் மீதான எதிர்பார்ப்புகள் அதிகரித்து வரும் நிலையில், சமீபத்தில் கிடைத்துள்ள தகவல்களின்படி, இந்தத் திரைப்படத்தில் பாலிவுட் சூப்பர்ஸ்டார் அமிதாப் பச்சன் கேமியோ ரோல் செய்திருப்பதாகக் கூறப்படுகிறது. படத்தின் இறுதிக் காட்சியில் முக்கியமான கதாபாத்திரமாக நடிகர் அமிதாப் பச்சன் நடித்துள்ளதாகத் தகவல்கள் வெளியாகியுள்ளன.
விஜய் சேதுபதி, ஃபகத் பாசில், நரேன் என பெரிய நட்சத்திர பட்டாளமே இந்தப் படத்தில் நடித்துள்ளது. அனிருத் இசையமைக்கும் இந்தத் திரைப்படத்திற்கு, `சர்கார்’ திரைப்படத்திற்கு ஒளிப்பதிவு செய்த கிரிஷ் கங்காதரன் ஒளிப்பதிவு செய்துள்ளார்.
அண்மையில் இயக்குநர் லோகேஷ் கனகராஜ் பிறந்தநாளை முன்னிட்டு படத்தின் மேக்கிங் காட்சிகளும்,வரும் ஜூன் 3 அன்று `விக்ரம்’ திரைப்படம் வெளியாகும் என்ற அறிவிப்பும் வெளியானது. இந்த நிலையில் இந்தப் படம் பற்றி பேசியுள்ள லோகேஷ் கனகராஜ், “ `விக்ரம்’100 சதவிகிதம் என்னுடைய திரைப்படமாக இருக்கும். திரைப்படத்திற்கு டீசர், ட்ரைலர், இசை வெளியீட்டு விழா என அனைத்தும் இருக்கும்” என்று பேசியிருக்கிறார்.
Also Read | Simbu Balmain Pant: ஆத்தே..! சிம்பு போட்ருக்க பேண்ட் விலை இவ்ளோவா..? வாயைப் பிளந்த ரசிகர்கள்..!