உலகநாயகன் கமல்ஹாசன் நடிப்பில் தற்போது உருவாகி வரும் படம் ‘ விக்ரம்’. இந்த படத்தை லோகேஷ் கனஜராஜ் இயக்குகிறார். கமலின் சொந்த தயாரிப்பு நிறுவனமான ராஜ்கமல் நிறுவனத்துடன் இணைந்து டர்மரீக் மீடியா நிறுவனமும் படத்தைத் தயாரிக்கிறது. கிரிஷ் கங்காதரன் ஒளிப்பதிவு செய்கிறார். மற்றும் ராக் ஸ்டார் அனிரூத் இசையமைப்பாளராக ஒப்பந்தமாகியுள்ளார். சண்டைக் காட்சிகளை அன்பறிவ் மாஸ்டர்ஸ் இயக்க உள்ளனர். இந்த படத்தில் பகத் பாசில், விஜய் சேதுபதி, நரேன், அர்ஜுன் தாஸ் உள்ளிட்ட பல முக்கிய நட்சத்திரங்கள் இணைந்துள்ளதால் படத்திற்கான எதிர்பார்ப்பு அதிகமாகவே உள்ளது. இந்நிலையில் கடந்த சனிக்கிழமை வெளியான படத்தின் ஃபஸ்ட்லுக் போஸ்டரும் படத்தின் எதிர்பார்ப்பை தூண்டுவதாகவே அமைந்துள்ளது. இது குறித்து நடிகர் கமல்ஹாசன் தனது ட்விட்டர் பக்கத்தில் ”வீரமே வாகையைச் சூடும். மீண்டும் துணிகிறேன், நம் இளம் திறமைகளை உம் முன் சமர்ப்பிக்க. நேற்றே போல நாளையும் நமதாக வாழ்த்தட்டும் தாயகம் விக்ரம்… விக்ரம்” என குறிப்பிட்டிருந்தார்.
இந்நிலையில் பாலிவுட் நடிகரான அலி பாசில். விக்ரம் போஸ்டர் குறித்து தனது ட்விட்டர் பக்கத்தில் கருத்து தெரிவித்துள்ளார். அதில் ”இந்த போஸ்டர் வெளியான பிறகு நாங்க ,வட இந்திய நடிகர்கள் அவ்வளவுதான். நான் எல்லாத்தையும் பேக் செய்துக்கொண்டு கிளம்பிவிடுகிறேன் “ என வேடிக்கையாக விக்ரம் ஃபஸ்ட் லுக்கை புகழ்ந்துள்ளார். மேலும் கமல்ஹாசன், பகத் பாசில், விஜய் சேதுபதியை டேக் செய்து “ எல்லாம் சிறப்பாக அமைய வாழ்த்துக்கள் “ என குறிப்பிட்டுள்ளார்
அலி பாசில் ஒரு சிறந்த நடிகர் என்ற பெயர் பெற்றவர். அமேசான் பிரைமில் வெளியான ‘மிர்ஸாபுர்’ என்ற வெப் தொடரில் நடித்ததன் மூலம் பலரையும் கவர்ந்திருந்தார்.குட்டு பையா( guddu bhaiya ) என்ற கதாபாத்திரம் ஏற்று நடித்த அலி பாசில் அதற்காக தான் அதீத சிரமத்தை மேற்கொண்டதாக கூறினார். வெப் தொடரில் அலி பாசிலுக்கு செண்டிமெண்டிற்கும் எமோஷனுக்கும் இடையே பயணம் செய்யும் கதாபாத்திரமாக அமைந்திருந்தது. இந்த கதாபாத்திரத்திற்கு தான் கொடுத்த முக்கியத்துவம் தன் வாழ்க்கையில் பிரதிபலித்தாக தெரிவித்துள்ளார் பாசில். குட்டு பண்டிட் ஸ்க்ரீலின் நடப்பது போலவே ஷூட்டிங் இல்லாத நேரத்திலும் நடந்துகொண்டதால் அலி பசல் அதீத மன அழுத்தத்தை எதிர்கொண்டுள்ளார். அந்த அளவு ஈடுபாடுடைய நடிகர் என்பதாலேயே விக்ரம் படத்தின் போஸ்டர் குறித்தான இவரின் கருத்துக்கள் கவனிக்கப்படுகின்றன.
மேலும் ட்விட்டர் கமெண்டுகளில் ரசிகர்கள் “தமிழ் படங்களில் சீக்கிரம் நடிங்க” என அன்புக்கட்டளையும் விடுத்து வருகின்றனர். அலி பசல் தற்போது டெத் ஆன் தி நைல்( death on the nile) என்ற ஹாலிவுட் படத்தில் நடித்து வருகிறார் என்பது குறிப்பிடத்தக்கது.