தமிழ் திரையுலகின் உச்ச நட்சத்திரமாக உலா வருபவர் நடிகர் அஜித்குமார். இவரது நடிப்பில் உருவாகியுள்ள திரைப்படம் விடாமுயற்சியின் இறுதிக்கட்ட பணிகள் முடிந்துள்ளது. விரைவில் விடாமுயற்சி படம் எப்போது வெளியாகும் என்ற அறிவிப்பு வரும் என்று எதிர்பார்க்கப்படுகிறது.
குட் பேட் அக்லி கெட்டப்பில் அஜித்:
விடாமுயற்சி படம் நடித்துக் கொண்டிருந்தபோதே ஆதிக் ரவிச்சந்திரன் இயக்கத்தில் நடிக்க அஜித்குமார் ஒப்புக் கொண்டார். அஜித் நடிப்பில் உருவாகி வரும் குட் பேட் அக்லி படத்தின் போஸ்டர் இணையத்தில் வெளியாகி வைரலாகி வருகிறது.
இந்த நிலையில், குட் பேட் அக்லி படத்தின் படப்பிடிப்பு வெளிநாட்டில் விறுவிறுப்பாக நடைபெற்று வருகிறது. குட் பேட் அக்லி படத்தின் கெட்டப்பில் அஜித்குமார் இருக்கும் புகைப்படங்கள் இணையத்தில் வெளியாகி அஜித் ரசிகர்களை உற்சாகப்படுத்தியுள்ளது.
ஷாலினியுடன் காதல் உலா:
மேலும், வெளிநாட்டில் நடைபெற்ற குட் பேட் அக்லி படத்தின் காட்சியின் புகைப்படமும் இணையத்தில் வெளியாகி ரசிகர்களை மேலும் ஆனந்தப்படுத்தியுள்ளது. நடிகர் அஜித் சால்ட் அண்ட் பெப்பர் லுக்கில், கோட் மற்றும் சூட் அணிந்து பில்லா கெட்டப்பில் இருக்கும் அந்த புகைப்படங்களை அவரது ரசிகர்கள் மகிழ்ச்சியுடன் பகிர்ந்து வருகின்றனர்.
இது மட்டுமின்றி ஷாலினி எடுத்த வீடியோ ஒன்றும் இணையத்தில் வைரலாகி வருகிறது. அதாவது, வெளிநாட்டில் நடிகர் அஜித்துடன் அவரது மனைவி ஷாலினி வெளியில் சென்றபோது அவர் எடுத்த செல்ஃபி வீடியோ தற்போது இணையத்தில் வைரலாகி வருகிறது.
ஆனந்தத்தில் அஜித் ரசிகரகள்:
அஜித்தின் குட் பேட் அக்லி கெட்டப், ஷாலினியுடன் எடுத்துக் கொண்ட அஜித்தின் வீடியோ அடுத்தடுத்து இணையத்தில் வெளியாகி இருப்பது அஜித் ரசிகர்களுக்கு டபுள் கொண்டாட்டமாக அமைந்துள்ளது. அஜித்குமார் நடித்துள்ள விடாமுயற்சி படத்தின் படப்பிடிப்பு பெரும்பாலும் முடிந்துவிட்டது என்று தகவல்கள் வெளியானாலும், படத்தின் ரிலீஸ் தேதி மற்றும் மற்ற விவரங்கள் குறித்து எந்த தகவலும் வெளியாகதது அஜித் ரசிகர்கள் மத்தியில் வருத்தத்தை ஏற்படுத்தி வருகிறது என்பது குறிப்பிடத்தக்கது. குட் பேட் அக்லி படத்தில் அஜித்குமாருடன் பிரசன்னா, சுனில், த்ரிஷா ஆகியோர் நடிக்கின்றனர். தேவி ஸ்ரீ பிரசாத் இசையமைக்கிறார்.