ரசிகர்கள் மத்தியில் மிகுந்த எதிர்பார்ப்பை ஏற்படுத்தியிருந்த அஜித்தின் துணிவு படம் அதிகாலை ஒரு மணி சிறப்பு காட்சியாக இன்று வெளியானது. இதனை அதீத உற்சாகத்துடன் ரசிகர்கள் கொண்டாடி வரவேற்று மகிழ்ந்தனர்.
எச். வினோத் இயக்கத்தில் மூன்றாவது முறையாக அஜித் நடித்துள்ள துணிவு படம் இன்று வெளியானது. தஞ்சையில் ஒரு மணி காட்சியாக முதல் முறையாக துணிவு படம் வெளியானதும் குறிப்பிடத்தக்கது.
முன்னணி நடிகர்களில் ஒருவரான ‘தல’ அஜித், இயக்குநர் ஹெச்.வினோத் மற்றும் தயாரிப்பாளர் போனி கபூருடன் மூன்றாவது முறையாக கூட்டணி அமைத்தார்
படம் தொடக்கத்திலிருந்து படப்பிடிப்பு முடியும் வரை ரசிகர்கள் மத்தியில் மிகுந்த எதிர்பார்ப்பை ஏற்படுத்தி இருந்தது. இந்த படத்திற்கு ‘துணிவு’ என டைட்டில் சூட்டப்பட்டது. இதில் மிக முக்கிய கேரக்டர்களில் வீரா, மஞ்சு வாரியர், சமுத்திரக்கனி, ஜான் கோக்கன், ‘பிக் பாஸ்’ சிபி ஆகியோர் நடித்துள்ளார்கள்.
ஜிப்ரான் இசையமைத்துள்ளார். நீரவ் ஷா ஒளிப்பதிவு செய்துள்ளார். சமீபத்தில், இதன் ட்ரெய்லர் மற்றும் ‘சில்லா சில்லா, காசேதான் கடவுளடா, கேங்ஸ்டா’ ஆகிய 3 பாடல்கள் வெளியானது. இந்த ட்ரெய்லர் மற்றும் ‘சில்லா சில்லா, காசேதான் கடவுளடா, கேங்ஸ்டா’ ஆகிய 3 பாடல்கள் படத்தின் மீதான எக்ஸ்பெக்டேஷன் லெவலை எகிற வைத்தது.
இன்று படம் வெளியானதை தொடர்ந்து அஜித் ரசிகர்கள் முதல் பட காட்சியில் கொண்டாட்டத்தில் மாஸ் காட்டியுள்ளனர் தஞ்சை ஜிவி ஸ்டூடியோவில் துணிவு படம் வெளியான நிலையில் தஞ்சையை சேர்ந்த அஜித் ரசிகர்கள் நூற்றுக்கணக்கானோர் திரண்டு வாண வேடிக்கைகள் நடத்தினர். மேள தாளங்களுடன் கொண்டாடி மகிழ்ந்தனர்.
ரசிகர்கள் கூட்டம் கட்டுக்கடங்காத நிலையில் திரையரங்கு அமைந்திருந்த அப்பகுதி சுமார் மூன்று மணி நேரம் பரபரப்பாக இருந்தது. போலீசார் போதிய கட்டுப்பாடுகளை விதித்தும் ரசிகர்களின் கொண்டாட்டத்தை கட்டுப்படுத்த முடியவில்லை. தொடர்ந்து ரசிகர்கள் படத்தை உற்சாகத்துடன் கண்டு மகிழுந்ததனர்.