‘சிவாஜி த பாஸ்’ படத்தில் நடிகர் ரஜினிகாந்துடன் நடித்ததன் மூலம் தமிழ் சினிமா ரசிகர்களின் இதயங்களைக் கவர்ந்து கனவு நாயகியாக மாறியவர் நடிகை ஸ்ரேயா சரண்.


பிறந்தநாள் கொண்டாட்டம்


ஹரித்வாரில் பிறந்து வளர்ந்தவரான ஸ்ரேயா, டோலிவுட்டில் தன் பயணத்தைத் தொடங்கி கோலிவுட், பாலிவுட் எனப் பயணித்து பான் இந்தியா ரசிகர்களை ஈர்த்தார். ‘இஷ்டம்’ எனும் தெலுங்கு படத்தில் தன் சினிமா பயணத்தைத் தொடங்கிய ஸ்ரேயா, தமிழில் ரஜினிக்கு ஜோடியாக சிவாஜி படத்தில் நடித்து பிரபலமானார். பின் திருவிளையாடல் ஆரம்பம், தோரணை, கந்தசாமி, அழகிய தமிழ் மகன் உள்ளிட்ட பல படங்களில் நடித்துள்ளார்.


இதனிடையே பாலிவுட்டுக்கு சென்ற அங்கும் வெற்றி நாயகியாக விளங்கினார். கடந்த 2018ஆம் ஆண்டு ரஷ்ய டென்னிஸ் வீரர் ஆண்டரே கோஸ்சீவை மணந்த ஸ்ரேயாவுக்கு சென்ற 2021ஆம் ஆண்டு ராதா எனும் பெண் குழந்தை பிறந்தது.




இந்நிலையில் திருமணத்துக்குப் பின் தொடர்ந்து நடித்து வரும் ஸ்ரேயா, தன் இன்ஸ்டா பக்கத்தில் தொடர்ந்து லைஃப் அப்டேட்ஸ்களை தன் ரசிகர்களுடன் பகிர்ந்து வருகிறார். அந்த வகையில் தற்போது தன் பிறந்தநாள் கொண்டாட்ட புகைப்படங்களை ஸ்ரேயா பகிர்ந்துள்ளார். 


கணவர், மகளுடன் ஜாலி வகேஷன்


தன் 41ஆவது பிறந்தநாளை செப்.11ஆம் தேதி ஸ்ரேயா கொண்டாடிய நிலையில், தன் பிறந்தநாள் புகைப்படங்களை தன் இணைய பக்கத்தில் இன்று ஸ்ரேயா பகிர்ந்துள்ளார்.


தன் பிறந்தநாள் வகேஷனின் போது மகள் மற்றும் கணவருடன் எடுத்துக் கொண்ட புகைப்படங்கள், பீச்சில் ரகளை செய்வது, குடும்பத்துடன் மண்பாண்ட க்ளாஸ் செல்வது,  தன் செல்ல மகளுடன் கொஞ்சி விளையாடுவது என அனைத்து புகைப்படங்கள் மற்றும் வீடியோக்களை பகிர்ந்துள்ளார்.


 






தன் 41ஆவது வயதிலும் அறிமுகமானபோது இருந்ததுபொலவே க்யூட்டாக இளமை மாறாமல் ஸ்ரேயா வலம் வருகிறார்.




இந்நிலையில் இந்த வீடியோ மற்றும் புகைப்படங்கள் இணையத்தில் லைக்ஸ் அள்ளிவருகின்றன. மேலும் ஸ்ரேயா இதே பொலிவுடன் விளங்க வாழ்த்தி ரசிகர்கள் கமெண்டுகளைப் பகிர்ந்து வருகின்றனர்.


குழந்தை பிறந்த பின் ஃபிட்னஸ்ஸில் முழு கவனம் செலுத்தி வந்த ஸ்ரேயா தன் கர்ப்ப கால புகைப்படங்களை இணையத்தில் பகிரவே இல்லை. இதனால் ஸ்ரேயாவுக்கு குழந்தை பிறந்தது அவரது ரசிகர்களை அதிர்ச்சி கலந்த சந்தோஷத்தில் ஆழ்த்தியது. 


தமிழ், தெலுங்கு, இந்தி, கன்னட மொழிகளில் கவனம் செலுத்தி வரும் ஸ்ரேயா, முன்னதாக மரியா டி க்ரஸ் இயக்கத்தில் மியூசிக் ஸ்கூல் எனும் படத்தில் நடித்திருந்தார். இளையராஜா இப்படத்துக்கு இசையமைத்த நிலையில், தமிழ், தெலுங்கு மொழிகளில் இப்படம் வெளியானது. மேலும் தமிழில் இவர் நடிப்பில் நரகாசுரன் படமும் தயாராகி வருகிறது.