நடிகை கீர்த்தி சுரேஷ் சமீபத்தில் தனது தோழிகளுடன் கொண்டாட்டத்தில் ஈடுபட்டபோது எடுக்கப்பட்ட புகைப்படங்களை தனது இன்ஸ்டாகிராமில் பதிவிட்டுள்ளார்.
நடிகை கல்யாணி பிரியதர்ஷனும், கீர்த்தி சுரேஷும் நெருங்கிய தோழிகள் என்பது அனைவருக்கும் தெரியும். இருவரும் அடிக்கடி நேரில் சந்தித்து கொள்வதும், ஒன்றாக இருக்கும் புகைப்படங்களை தங்களது சமூக வலைதள பக்கங்களில் பகிர்ந்து வருவதும் வழக்கம். சமீபத்தில் நடிகை கீர்த்தி சுரேஷ், கல்யாணி பிரியதர்ஷன், இன்னும் சில பிரபல நடிகைகள் பிரைவேட்டாக பார்ட்டி செய்து கேர்ள்ஸ் நைட்டை கொண்டாடியுள்ளனர். இதில் மூத்த நடிகைகள் லிஷி லக்ஷ்மி மற்றும் ராதிகா சரத்குமார் ஆகியோரும் பங்கேற்றுள்ளனர்.லிஷி லக்ஷ்மி நடிகை கல்யாணி பிரியதர்ஷினியின் தாய்.
மேலும் பிரபல நடிகைகள் கும்பலங்கி நைட்ஸ் அன்னா பென், பேங்களுர் டேஸ் பார்வதி, அருவி அதிதி பாலன் ஆகியோரும் இதில் கலந்து கொண்டுள்ளனர். அனைவருடனும் இருக்கும் புகைப்படங்களை நடிகை கீர்த்தி சுரேஷ் சுரேஷ் தனது இன்ஸ்ட்டாகிராமில் பகிர்ந்து "அழகிய நபர்களுடன் ஓர் அழகிய இரவு" என்ற குறிப்புடன் பதிவிட்டுள்ளார்.
மேலும் ஒரு புகைப்படத்தில் கல்யாணி பிரியதர்ஷினின் சகோதரர் சித்தார்த் பிரியதர்ஷனும் இடம் பெற்றுள்ளார்.
கீர்த்தி சுரேஷ் பாரம்பரியமான திரையுலக குடும்பத்தைச் சேர்ந்தவர். இவரது தந்தை சுரேஷ் குமார் மலையாள இயக்குநர்-தயாரிப்பாளர். இவரது தாய் மேனகா கீழ் வானம் சிவக்கும், நெற்றிக்கண், எங்கிருந்தாலும் வாழ்க, உனக்காகவே வாழ்கிறேன் ஆகிய தமிழ் படங்களில் ஹீரோயினாக நடித்துள்ளார். இப்படிப்பட்ட குடும்பத்தில் பிறந்த கீர்த்தி குழந்தை நட்சத்திரமாக தன் தந்தை தயாரித்த சில மலையாளப் படங்களில் நடித்தார். கடந்த 2013-ஆம் ஆண்டு மலையாளத்தில் முன்னணி இயக்குநர்களில் ஒருவராக உள்ள பிரியதர்ஷன் இயக்கிய ”கீதாஞ்சலி” படத்தில் கதாநாயகியாக அறிமுகமானார்.
இயக்குநர் ஏ.எல்.விஜய் இயக்கத்தில் விக்ரம் பிரபு நடித்த இது என்ன மாயம் படத்தின் மூலம் அறிமுகமானாலும், சிவகார்த்திகேயனுடன் நடித்த ரஜினி முருகன் படம் மிகப்பெரிய ரசிகர் கூட்டத்தை கீர்த்தி சுரேஷூக்கு பெற்று தந்தது.