தமிழ் தொலைக்காட்சிகளைப் பொருத்தவரை, நிகழ்ச்சிகளை தொகுத்து வழங்கும் தொகுப்பாளர்களுக்கு தனி ரசிகர் பட்டாளம் உண்டு. அந்த வரிசையில், டிவி நிகழ்ச்சிகளை தொகுத்து வழங்கி தமிழ் ரசிர்கள் மத்தியில் பிரபலமான பாவனா பாலகிருஷ்ணன், சில காலம் விளையாட்டு நிகழ்ச்சிகள் பக்கம் பிஸியாக இருந்தார். இப்போது மீண்டும் சின்னத்திரை நிகழ்ச்சிகளை தொகுத்து வழங்கி வருகிறார்.
இது குறித்து சமீபத்தில் அவர் இன்ஸ்டாகிராமில் வெளியிட்ட பதிவில், “3 ஆண்டுகளுக்குப் பிறகு மீண்டும் சின்னத்திரை எண்டெர்டெயின்மெண்ட் நிகழ்ச்சியை தொகுத்து வழங்குகிறேன். இப்போது கலர்ஸ் சேனல் நிகழ்ச்சியில் டான்ஸ் vs டான்ஸ் நிகழ்ச்சியை தொகுத்து வழங்குகிறேன்.” என பதிவிட்டிருந்தார்.
இந்நிலையில், தமிழ் தொலைக்காட்சிக்கு மீண்டும் கம்-பேக் தந்திருக்கும் பாவனாவிடம் பேட்டி எடுக்கப்பட்டது. அந்த நேர்காணலில், அவரது வேலை அனுபவங்கள், சொந்த விஷயங்கள் என பலவற்றை பகிர்ந்து கொண்டுள்ளார். அப்போது மீண்டும் விஜய் டிவி பக்கம் போவீர்களா என கேட்கப்பட்ட கேள்விக்கு, “இனி விஜய் டிவி பக்கம் போக வேண்டாமென இருக்கிறேன். அவங்க ஸ்டைல் வேற. என் ஸ்டைல் வேற. முழுக்க முழுக்க காமெடியை மையப்படுத்தி நிகழ்ச்சி எடுக்கப்பட்டு வருகிறது” என தெரிவித்திருக்கிறார்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்