பிரபல நடிகை அமலா பால் தனது இன்ஸ்டாகிராமில் பானை செய்யும் வீடியோவை வெளியிட்டுள்ளார் இது சமூக வலைதளத்தில் வைரலாகியுள்ளது.
கேரளாவை சேர்ந்த அமலாபால் 2010 ஆம் ஆண்டு வெளியான சிந்து சமவெளி படத்தின் மூலம் தமிழ் சினிமாவுக்கு அறிமுகமானார். இந்த படத்தில் அவர் நடித்த கேரக்டர் மிகப்பெரிய சர்ச்சைகளை ஏற்படுத்தியது.
இதனைத் தொடர்ந்து வெளியான மைனா படம் அவருக்கு திருப்புமுனையாக அமைந்தது. தொடர்ந்து தெய்வதிருமகள், வேட்டை, காதலில் சொதப்புவது எப்படி?, முப்பொழுதும் உன் கற்பனைகள், தலைவா, நிமிர்ந்து நில், வேலை இல்லா பட்டதாரி, பசங்க 2, அம்மா கணக்கு, வேலையில்லா பட்டதாரி 2, திருட்டுப்பயலே 2, பாஸ்கர் ஒரு ராஸ்கல், ராட்சசன், ஆடை என ஏகப்பட்ட படங்களில் நடித்திருந்தார். அது மட்டுமல்லாமல் ஓடிடியில் வெளியான கடாவர் படத்தை சொந்தமாகவும் தயாரித்திருந்தார்.
ஆடை படத்தில் அவர் ஆடையில்லாமல் நடித்து பரபரப்பை ஏற்படுத்தினார். இந்த படத்துக்குப் பின் அமலா பால் தமிழில் நடிப்பது குறைந்துபோனது. தற்போது அதோ அந்த பறவைப் போல படத்தில் மட்டுமே அவர் நடித்து வருகிறார். மேலும் மலையாளத்தில் ஆடுஜீவிதம் படத்தில் அமலா பால் ஹீரோயினாக நடிக்கிறார். இப்படம் மலையாள திரையுல ரசிகர்களிடையே மிகப்பெரிய எதிர்பார்ப்பை ஏற்படுத்தியுள்ளது.
முன்னதாக இயக்குநர் விஜய்யை திருமணம் செய்து விவாகரத்து செய்த அமலா பால், மீண்டும் திருமணம் செய்துக் கொண்டதாக தகவல்கள் பரவியது. ஆனால் அதனை அவர் உறுதிப்படுத்தவில்லை. அதேசமயம் நடிகை அமலாபால் சமூக வலைதளங்களில் எப்பொழுதும் ஆக்டிவாக இருக்கிறார். அவ்வப்போது தனது கவர்ச்சி புகைப்படங்களையும் , தான் வெவ்வேறு ஊர்களுக்கு பயணப்பட்ட வீடியோக்கள் புகைப்படங்களையும் வெளியிடுவது வழக்கம். இதற்கு ரசிகர்களிடையே மிகப்பெரிய வரவேற்பு இருந்தது.
இப்படியான நிலையில் அமலாபால் தனது இன்ஸ்டாகிராம் பக்கத்தில் வீடியோ ஒன்றை வெளியிட்டுள்ளார். அதில் அவர் பானை செய்யும் காட்சிகள் இடம் பெற்றுள்ளது. இதனைப் பார்த்த இணையவாசிகள் மிகப்பெரிய அனுபவத்துடன் அழகாக அமலா பால் தனது படைப்பை படைத்துள்ளார் என பாராட்டு தெரிவித்துள்ளனர். மேலும் நடிப்புக்கு பின் கலைநயமிக்க இதுபோன்ற கலைகளை அமலாபால் படைக்கலாம் எனவும் ஐடியா கொடுத்துள்ளனர். தற்போது இந்த வீடியோ இணையத்தில் வைரலாகியுள்ளது.