மம்மூட்டி
72 வயதிலும் இளமை மாறாமள் இருக்கிறார் நடிகர் மம்மூட்டி. தோற்றத்தில் மட்டுமில்லை அவர் நடிக்கும் படங்களை தேர்வு செய்யும் துணிச்சல் இன்றைய இளம் நடிகர்களுக்கு சவால் விடும் வகையில் இருக்கிறது. கடந்த ஆண்டும் கன்னூர் ஸ்குவாட் , காதல் தி கோர், மற்றும் நண்பகல் நேரத்து மயக்கம் ஆகிய மூன்று வெற்றிப்படங்களைக் கொடுத்தார். இந்த ஆண்டு தொடக்கத்தில் பிரமயுகம் படம் வெளியாகி மிகப்பெரிய வெற்றி பெற்றது. தற்போது அடுத்தடுத்தப் படங்களில் ஓய்வே இல்லாமல் நடித்து வருகிறார்.
மம்மூட்டி நடித்து வரும் படங்கள்
தீனோ டென்னிஸ் இயக்கத்தில் மம்மூட்டி தற்போது மம்மூட்டி நடித்து வரும் படம் பஸூகா. முழுக்க முழுக்க ஹாரர் த்ரில்லர் படமாக உருவாகும் இப்படத்தின் மீது மிகப்பெரிய எதிர்பார்ப்பு குவிந்துள்ளது. காயத்ரி ஐயர் , திவ்யா, கெளதம் வாசுதேவ் மேனன் ஆகியோர் இப்படத்தில் நடித்துள்ளார்கள். கடந்த மார்ச் மாதம் இப்படத்தின் படப்பிடிப்பு முடிவடைந்துள்ள நிலையில் போஸ்ட் ப்ரோடக்ஷன் பணிகள் நடைபெற்று வருகின்றன. விரைவில் படத்தின் ரிலீஸ் குறித்த தகவல்கள் வெளியாகும் என எதிர்பார்க்கலாம்.
டர்போ
பஸூகா படத்தைத் தொடர்ந்து மம்மூட்டி நடித்து வரும் மற்றொரு படம் டர்போ. ரகடான லுக்கில் மம்மூட்டியின் ஃப்ர்ஸ்ட் லுக் போஸ்டர் கடந்த ஆண்டு வெளியானது. சைசாக் இப்படத்தை இயக்குகிறார். கன்னட நடிகர் மற்றும் இயக்குநர் ராஜ்.பி ஷெட்டி , மற்றும் அஞ்சனா ஜெயபிரகாஷ் இப்படத்தில் நடித்து வருகிறார்கள்.
வைரலாகும் மம்மூட்டியின் புகைப்படம்
72 வயதிலும் ஸ்டைடிலும் ஃபிடனஸிலும் இளமையை வெளிப்படுத்தி வருகிறார் மம்மூட்டி அவரது லேட்டஸ்ட் புகைப்படம் ஒன்று சமூக வலைதளங்களில் வைரலாகி வருகிறது. மம்மூட்டி அடுத்து நடிக்க இருக்கும் ரேம்ப்லர் என்கிற படத்திற்காக மம்மூட்டி இந்த லுக்கில் ரெடியாகி இருப்பதாக கூறப்படுகிறது.