நடிகர் கவின் சரவணன் மீனாட்சி சீசன் 2 சீரியலின் மூலம் சின்னத்திரையில் அறிமுகமானார். இந்த சீரியலில் வேட்டையன் கதாப்பாத்திரத்தில் நடித்த கவின் சிறிது காலத்திலேயே ரசிகர்களின் மனதில் இடம் பிடித்தார். இதனையடுத்து பிக்பாஸ் சீசன் 3-ல் போட்டியாளராக கலந்து கொண்டார். இந்த நிகழ்ச்சியும் இவருக்கு பாசிட்டிவ் விமர்சனங்களையே பெற்றுத் தந்தது.
இதனையடுத்து வினித் வரபிரசாத் இயக்கத்தில் உருவான லிஃப்ட் திரைப்படத்தின் மூலம் வெள்ளித்திரையில் கால் பதித்தார் கவின். இப்படத்தில் அம்ரிதா ஐயர், பாலாஜி வேணுகோபால் உள்ளிட்ட பலர் நடித்திருந்தனர். அமானுஷ்ய கதைக்களத்தை மையமாக வைத்து எடுக்கப்பட்ட இந்த திரைப்படம் ஓடிடியில் வெளியானது.
டாடா திரைப்படம் இயக்குனர் கணேஷ் கே பாபு இயக்கத்தில் உருவானது. இப்படத்தில் கவின், அபர்ணா தாஸ் லீட் ரோலில் நடித்து இருந்தனர். வாழ்க்கையில் ஒரு பிடிப்பில்லாத பொருப்பில்லாத இளைஞன் ஒரு நல்ல பொருப்பான தந்தையாக மாறும் ட்ரான்ஸ்பர்மேஷன் தான் இப்படம். இப்படத்தின் மூலம் தான் ஒரு சிறந்த நடிகன் என்பதை உறுதியாக பதிவு செய்தார் கவின்