இந்திய சினிமா கொண்டாடும் ஒரு கலைஞன் ஏ.ஆர். ரஹ்மான். ஆஸ்கர் நாயகனாக இருந்தும் ஒரு துளியும் கர்வம் இல்லாமல் அதே புன்னகையுடன், தன்னடக்கத்துடனும் இருக்கும் ஆத்மா. அவரின் லேட்டஸ்ட் வீடியோ ஒன்றை அவரின் ரசிகர்களுக்கு ட்ரீட்டாக போஸ்ட் செய்துள்ளார் ஏ.ஆர். ரஹ்மான் மகன் ஏ.ஆர். அமீன்.
விபத்தில் இருந்து தப்பித்த ஏ.ஆர்.ஆர். மகன் :
ஏ.ஆர். ரஹ்மான் மகன் ஏ.ஆர். அமீன் தந்தையை போலவே இசையில் மிகுந்த ஆர்வம் உடையவர். சுயாதீன இசை ஆல்பங்களை உருவாக்கி வருகிறார். சமீபத்தில் தான் அவரின் மியூசிக் வீடியோவிற்கான படப்பிடிப்பு தளத்தில் ஏற்பட்ட ஒரு விபத்தில் இருந்து அதிர்ஷ்டவசமாக உயிர் தப்பினர். இந்த நிகழ்வை தனது இன்ஸ்டாகிராமில் பதிவிட்டு இருந்தார் அமீன். தலைப்பு செய்திகளிலும் சோசியல் மீடியாவில் மிகவும் வைரலாக இந்த சம்பவம் குறித்த தகவல் பகிரப்பட்டது.
விமானத்தில் காம்போசிஷன் :
அதிர்ச்சியில் இருந்து மீண்டுள்ள ஏ. ஆர். ரஹ்மானின் இசை ரசிகர்களை குளுமை படுத்துவதற்காக அவற்றின் தந்தையின் க்யூட்டான வீடியோ ஒன்றை தனது இன்ஸ்டாகிராமில் போஸ்ட் செய்துள்ளார் அமீன். இதில் ஏ.ஆர். ரஹ்மான் மற்றும் மகன் அமீன் விமானத்தின் மூலம் இந்தியா திரும்பி கொண்டு இருக்கிறார்கள். அந்த சமயத்தில் இசைப்புயல் ஏ.ஆர். ரஹ்மான் மிகவும் ரம்மியமான ஒரு செட்டப்பில் மியூசிக் கம்போஸ் செய்து வரும் வீடியோவை பகிர்ந்துள்ளார். அந்த சமயத்தில் அவர் கொடுக்கும் இன்னசென்ட் ஸ்மைலுக்கு அவரின் ரசிகர்கள் அனைவரும் ஃபிளாட். ஏ.ஆர். ரஹ்மானின் மகன் அமீன் பகிர்ந்துள்ள இந்த போஸ்ட் லைக்ஸ்களை தாறுமாறாக குவித்து வருகிறது.
சமீபத்தில் பிரமாண்டமாக நடந்து முடிந்த பொன்னியின் செல்வன் 2 படத்தின் டிரைலர் மற்றும் இசை வெளியீட்டு விழா நடைபெற்றது. இந்த விழாவில் பொன்னியின் செல்வன் 2 பாகத்தின் அனைத்து பாடல்களும் வெளியிடப்பட்டன. முதல் பாகத்தை போலவே இரண்டாவது படத்தின் பாடல்களுக்கு மக்கள் மத்தியில் நல்ல வரவேற்பு கிடைத்துள்ளது. மேலும் மேலும் ஏ.ஆர். ரஹ்மான் இசையில் அவரின் ரசிகர்கள் அனைவரும் மூழ்க தயாராக இருக்கிறார்கள்.