போனிகபூர் பங்கேற்ற படப்பிடிப்பில் பயங்கர தீ விபத்து ஏற்பட்டுள்ளது.
பிரபல பாலிவுட் இயக்குநர் எல்.யூ.வி ரஞ்சன் இயக்கத்தில் ரன்பீர் கபூர், ஷ்ரத்தா கபூர் நடித்து வருகின்றனர். இதில் பிரபல தயாரிப்பாளர் போனிகபூரும் முக்கிய கதாபாத்திரத்தில் நடித்து வருகிறார்.
இந்தப்படத்தின் படப்பிடிப்பு நேற்று, மும்பை அந்தேரி சித்ரகூட் ஸ்டுடியோஸில் நடைபெற்று வந்தது. அப்போது அங்கு திடீரென்று தீ விபத்து ஏற்பட்டது. இந்த விபத்தால் அந்தப்பகுதியே புகைமண்டலமாக காட்சியளித்தது.
இந்த விபத்து குறித்து டைம்ஸ் ஆஃப் இந்தியா வெளியிட்ட தகவலின் படி, இந்த தீ விபத்தில் படப்பிடிப்பிற்காக வைக்கப்பட்டிருந்த பொருட்கள் மற்றும் உபகரணங்கள் எரிந்து நாசமாகியுள்ளது. இழப்புகள் பெரிதாக இருக்கும் என தெரிய வருகிறது. உயிரிழப்புகள் ஏதும் இல்லை என்றாலும், சிலர் படுகாயம் அடைந்துள்ளனர்.
இது குறித்து போனி கபூர் கூறும் போது, “ எல்லோரும் நலமாக இருக்கிறார்கள். கடவுள் அருளால் எல்லோரும் நலமாக இருக்கிறார்கள். லைட்டிங் வேலைகள் மட்டுமே நடந்து கொண்டிருந்தது. இன்றைய படப்பிடிப்பிற்கு எல்லோரும் தயாராகி கொண்டிருக்கிறார்கள். இன்று படப்பிடிப்பு நடக்கிறது.
இந்தியா டுடே நிறுவனம் வெளியிட்ட செய்தியின் அடிப்படையில், இந்த தீ விபத்தில் 32 வயது மிக்க ஒருவர் உயிரிழந்திருப்பதாக தெரிவித்துள்ளது.