தமிழ்நாட்டில் திமுக கூட்டணி ஆட்சி அமைக்கும் - ரிபப்ளிக் டிவி கருத்துக்கணிப்பு..

தமிழ்நாட்டில் 160 முதல் 170 தொகுதிகளில் வெற்றிபெற்று ஆட்சி அமைக்கும் என்று ரிபப்ளிக் டிவி தனது தேர்தலுக்கு பிந்தைய கருத்துக்கணிப்பில் தெரிவித்துள்ளது.

தமிழ்நாட்டில் திமுக கூட்டணி 160 முதல் 170 தொகுதிகளிலும், அதிமுக கூட்டணி 58 முதல் 68 தொகுதிகளிலும், அமமுக கூட்டணி  4 முதல் 6 தொகுதிகளிலும்,  மநீம கூட்டணி 2 தொகுதிகள் வரை கைப்பற்றலாம் என ரிபப்ளிக் தொலைக்காட்சி, சி.என்.எக்ஸுடன் இணைந்து நடத்திய தேர்தலுக்கு பிந்தைய கருத்துக்கணிப்பில் தெரிவிக்கப்பட்டுள்ளது.

தமிழகம் 234/234:

திமுக கூட்டணி: 160 - 170
அதிமுக கூட்டணி: 58 - 68
அமமுக கூட்டணி: 4 - 6
மநீம கூட்டணி: 0 - 2
நாதக - 0
பிற - 0

தமிழகத்தில் திமுக கூட்டணி 48.91 சதவீத வாக்குகளையும், அதிமுக கூட்டணி 35.05 சதவீத வாக்குகளையும் கைப்பற்றும் என்றும் ரிபப்ளிக் சேனலின் தேர்தலுக்குப் பிந்தைய கருத்துக் கணிப்பு கூறுகிறது. அமமுக கூட்டணி 6.40%, மநீம கூட்டணி 3.62%, மற்றவை 6.02% வாக்குகளைப் பெறும் என்று கணித்துள்ளது.