தருமபுரி மக்களவைத் தொகுதியில் தி.மு.க.வின் ஆ.மணி 4,23,665  வாக்குகள் பெற்று முன்னிலையில் உள்ளார். 


வாக்கு எண்ணிக்கை தொடங்கியதில் இருந்து பா.ம.க. வின் செளமியா அன்புமணி தி.மு.க.வின் ஆ. மணி இருவருக்கும் போட்டி நிலவி வந்த நிலையில், தற்போதைய நிலவரப்படி திமுக முன்னிலையில் உள்ளது. 


செளமியா அன்புமணி 4,03,919  வாக்குகளைப் பெற்றுள்ளார். 19,746வாக்குகள் வித்தியாசத்தில் பின்னடைவை சந்தித்துள்ளார். 


நாடே பெரும் எதிர்பார்ப்புடன் காத்திருக்கும் நாள் இன்று. மக்களவைத் தேர்தலில் பதிவான வாக்குகள் எண்ணப்படும் பணி காலை 8 மணி மணிக்கு தொடங்கியது. இந்தத் தொகுதியில் பா.ஜ.க. கூட்டணி சார்பில் பா.ம.க. வின் செளமியா அன்புமணி முன்னிலையில் உள்ளார்.


தருமபுரி மக்களவைத் தொகுதியின் நிலவரம் குறித்த தகவல்களை இங்கே காணலாம்.


நாடாளுமன்ற மக்களவைத் தேர்தல் 2024 


நாடாளுமன்ற மக்களவைத் தேர்தல் 7 கட்டங்களாக நடைபெற்றது. முதற்கட்டமாக தமிழ்நாட்டில் ஏப்ரல் 19ம் தேதி வாக்குப்பதிவு நடைபெற்றது. இறுதிக்கட்ட வாக்குப்பதிவு ஜூன் 1-ம் தேதி நிறைவடைந்தது.இந்தத் தேர்தலில் யார் வெற்றி பெறுவார் என்ற எதிர்பார்ப்பு அதிகரித்துள்ளது. தருமபுரி தொகுதியில் யார் வெற்றி பெறுவார் என்பதை தெரிந்துகொள்வதற்கு முன்பு அந்த தொகுதியின் விவரங்களை காணலாம். 


தருமபுரி மக்களவைத் தொகுதி:


இடம்பெற்றுள்ள சட்டப்பேரவைத் தொகுதிகள்:



  • தருமபுரி

  • பென்னாகரம்

  •  பாப்பிரெட்டிபட்டி

  •  பாலக்கோடு

  • அரூர் (தனி)

  • மேட்டூர்


தருமபுரி தொகுதி வாக்காளர்கள் விவரம்


மொத்த வாக்களார்களின் எண்ணிக்கை - 15,12,732


ஆண் வாக்காளர்கள் - 7,64,878


பெண் வாக்காளர்கள் -  7,47,678


இதர வாக்காளர்கள் - 176


வேட்பாளர்கள் விவரம்


தி.மு.க.  - ஆ.மணி


அ.தி.மு.க.  கூட்டணி - அசோகன்


பா.ஜ.க. கூட்டணி - செளமியா அன்புமணி (பாமக)


நா.த.க.  -அபிநயா


பதிவான வாக்குகளின் விவரம்


இந்த தொகுதியில் 81.20 சதவீத வாக்குகள் பதிவாகியுள்ளன.