பட்டதாரி ஆசிரியர், வட்டார வள மைய ஆசிரியர் பணியிடங்களுக்காக நடத்தப்படும் தேர்வுக்கான ஹால் டிக்கெட்டை ஆசிரியர் தேர்வு வாரியம் வெளியிட்டுள்ளது.
ஆசிரியர் தேர்வு வாரிய அறிவிக்கை எண்.03,2023, நாள் 25.10.2023 –ன்படி 2023-2024 ஆம் ஆண்டிற்கான பட்டதாரி ஆசிரியர் , வட்டார வள மைய ஆசிரியர் தேர்வு எதிர்வரும் 07.01.2024 அன்று நடத்தப்பட உள்ளது. இத்தேர்வினை எழுத 41478 தேர்வர்கள் விண்ணப்பித்துள்ளனர்.
பதிவிறக்கம் செய்வது எப்படி?
விண்ணப்பித்த தேர்வர்களுக்கு நுழைவுச் சீட்டை ஆசிரியர் தேர்வு வாரிய இணையதளத்தில் (https://www.trb.tn.gov.in/) பதிவேற்றம் செய்யப்பட்டுள்ளது. எனவே, தேர்வர்கள் இன்று (22.12.2023) முதல் அவர்களது User id மற்றும் கடவுச் சொல் ஆகியவற்றை உள்ளீடு செய்து தங்களுக்குரிய நுழைவுச் சீட்டினை பதிவிறக்கம் செய்து கொள்ளலாம்.
முன்னதாக https://trb1.ucanapply.com/login என்ற இணைப்பை க்ளிக் செய்து உள்ளே செல்ல வேண்டும்.
தேர்வுக் கூட நுழைவுச் சீட்டினை பதிவிறக்கம் செய்வதில் ஏற்படும் கடைசி நேர பதற்றத்தைத் தவிர்க்கும் பொருட்டு தேர்வுக்கூட நுழைவுச் சீட்டு முன்னதாகவே வெளியிடப்பட்டுள்ளது. எனவே, தேர்வர்கள் தேர்விற்கு ஒரு வார காலத்திற்கு முன்னதாகவே தங்களுக்குரிய நுழைவுச்சீட்டினை பதிவிறக்கம் செய்துகொள்ள அறிவுறுத்தப்படுகிறார்கள்.
கூடுதல் விவரங்களுக்கு: https://www.trb.tn.gov.in