டான்செட்  தேர்வு முடிவுகள் நாளை (14.04.2023) வெளியாகும் என்று அண்ணா பல்கலைக்கழகம் அறிவித்துள்ளது. 


தமிழகத்தில் அரசு, தனியார் பொறியியல் கல்லூரிகள், கலை அறிவியல் கல்லூரிகளில் உள்ள எம்பிஏ, எம்சிஏ ஆகிய முதுகலைப் படிப்புகளில் சேர, மாணவர்கள் டான்செட் எனப்படும் தமிழ்நாடு பொது நுழைவுத் தேர்வை எழுதி வருகின்றனர். இந்தத் தேர்வை அண்ணா பல்கலைக் கழகம் ஒவ்வொரு ஆண்டும் நடத்தி வருகிறது. இந்தாண்டு நடத்தப்பட்ட தேர்வு முடிவுகள் நாளை வெளியாகும் என்று தெரிவித்துள்ளது.


டான்செட் தேர்வு:


இந்தாண்டிற்கான டான்செட் தேர்வு மார்ச்-25 ஆம் தேதி நடைபெற்றது. இந்தத் தேர்வுகளை எழுத மாணவர்கள் பிப்ரவரி 22-ஆம் தேதி வரை விண்ணப்பித்தனர். தேர்வு எழுத விண்ணப்பித்தவர்களுக்கான ஹால் டிக்கெட் மார்ச் 11ஆம் தேதி வெளியிடப்பட்டது குறிப்பிடத்தக்கது. 


கடந்த ஆண்டு வரை எம்.இ., எம்.டெக்., எம்.ஆர்க். எனப்படும்  முறையே முதுகலை பொறியியல், முதுகலை தொழில்நுட்பம், முதுகலை கட்டிடவியல் மற்றும் முதுகலை திட்டமிடல் (M.E. M.TECH., M.ARCH., M.PLAN) படிப்புகளுக்கு டான்செட் தேர்வு மூலம் மாணவர்கள் தேர்வு செய்யப்பட்டனர். 


இந்த ஆண்டில் இருந்து சி.இ.இ.டி.ஏ. எனப்படும் பொது பொறியியல் நுழைவுத் தேர்வு மற்றும் மாணவர் சேர்க்கை (CEETA- COMMON ENGINEERING ENTRANCE TEST AND ADMISSIONS) அறிமுகம் செய்யப்பட்டது. எனினும் தொலைதூரக் கல்வித் திட்டத்தின் மூலம் B.E, B.Tech., Degree தேர்ச்சி பெற்றவர்கள் இந்தத் தேர்விற்கு விண்ணப்பிக்க முடியாது என்றும் தெரிவிக்கப்பட்டிருந்தது. 


2022 டான்செட் தேர்வு


கடந்த ஆண்டு டான்செட் தேர்வு மே 14ஆம் தேதி நடைபெற்றது. குறிப்பாக எம்சிஏ படிப்பிற்கு மே 14ம் தேதி காலை 10 மணி முதல் மதியம் 12 மணி வரை தேர்வு நடைபெற்றது. எம்பிஏ படிப்பிற்கு மே 14-ஆம் தேதி மதியம் 2:30 முதல் மாலை 4:30  மணி வரை தேர்வுகள் நடைபெற்றன. முதுகலை தொழில்நுட்பப் படிப்புகளுக்கான டான்செட் தேர்வு மே 15 அன்று நடைபெற்றது.


இந்த டான்செட் தேர்வில் தேர்ச்சி பெற்ற பிறகு அதில் வரும் மதிப்பெண்களின் அடிப்படையில் கலந்தாய்வு ஒன்று நடைபெறும். அந்த கலந்தாய்வு மூலமாக மாணவர்கள் தங்களுக்கு விருப்பமான கல்லூரிகளை தேர்வு செய்யலாம்.  இந்த நிலையில் இரண்டு நாட்களுக்கு முன்பு இறுதி விடைக் குறிப்புகளை அண்ணா பல்கலைக்கழகம் வெளியிட்டுள்ளது.


இந்த டான்செட் தேர்வில் தேர்ச்சி பெற்ற பிறகு அதில் வரும் மதிப்பெண்களின் அடிப்படையில் கலந்தாய்வு ஒன்று நடைபெறும். அந்த கலந்தாய்வு மூலமாக மாணவர்கள் தங்களுக்கு விருப்பமான கல்லூரிகளை தேர்வு செய்யலாம்.  அதன்பின்னர் தேர்வு முடிவுகள் வந்த பின்னர் ஏப்ரல் அல்லது மே மாதங்களில் கலந்தாய்வு நடைபெறும் என்று எதிர்பார்க்கப்படுகிறது.


இந்நிலையில், டான்செட் தேர்வு முடிவுகள் நாளை வெளியாகும் என்று அண்ணா பல்கலைக்கழகம் தெரிவித்துள்ளது.


கூடுதல் விவரங்களுக்கு....


தொலைபேசி எண்கள்: 044 – 22358314 / 22358289 


இ- மெயில் முகவரி: tanceeta@gmail.com



மேலும் வாசிக்க.


ராகுல் காந்தி தகுதி நீக்கம்...தண்டனைக்கு தடை விதிக்கப்படுமா? தீர்ப்பு எப்போது...சூரத் நீதிமன்றம் அறிவிப்பு..!


Whatsapp Feature: ”இனி செட்டிங்ஸ் கூட ஈசி தான்”.. வாட்ஸ்-அப் செயலியில் மேலும் ஒரு புதிய அப்டேட்