தனித்தேர்வர்களுக்கான 8-ம் வகுப்பு பொதுத்தேர்வு வரும் அக்டோபர் 10 - 14 வரை நடைபெறும் என்று தெரிவிக்கப்பட்டுள்ளது. தேர்வெழுத விரும்பும் தனித்தேர்வர்கள் வரும் செப்டம்பர் 6 முதல் 10ஆம் தேதி வரை சேவை மையங்களுக்குச் சென்று விண்ணப்பிக்கலாம்,
சேவை மையங்களின் விவரத்தை http://dge.tn.gov.in இணையதளத்தில் அறிந்துகொள்ளலாம்.
இதுகுறித்து அரசுத் தேர்வுகள் இயக்ககம் தெரிவித்துள்ள செய்திக் குறிப்பு:
தனித்தேர்வர்களுக்கான எட்டாம் வகுப்பு பொதுத் தேர்வு அக்டோபர் மாதம் நடைபெற உள்ளது.
1. ஆன்லைன் மூலம் விண்ணப்பங்களை வரவேற்றல்
அக்டோபர் 2022-ல் நடைடுபறவுள்ள தனித் தேர்வர்களுக்கான எட்டாம் வகுப்பு பொதுத்தேர்விற்கு 01.10.2022 அன்று 12 1/2 வயது பூர்த்தி அடைந்த தனித் தேர்வர்கள் 06.09.2022 முதல்10.09.2022 வரை http://dge.tn.gov.in என்ற இணையதளத்தில் குறிப்பிட்டுள்ள சேவை மையங்களுக்கு (Nodal Centre) நேரில் சென்று online மூலம் பதிவு செய்து கொள்ளலாம்.
2. தேர்வுக் கட்டண விவரம்
விண்ணப்பத்துடன் தேர்வுக் கட்டணம் ரூ.125/- மற்றும் ஆன்லைன் பதிவுக் கட்டணம் ரூ.50/-மொத்தம் ரூ.175/-ஐ பணமாக சேவை மையங்களில் நேரடியாக செலுத்தலாம்.
மேற்குறிப்பிட்ட நாட்களில் விண்ணப்பிக்கத் தவறியவர்கள் 12.09.2022 மற்றும் 13.09.2022 ஆகிய நாட்களில் தட்கல் விண்ணப்பக் கட்டணத்தொகை ரூ.500/- கூடுதலாகச் செலுத்தி பதிவு செய்து கொள்ளலாம்.
3. விண்ணப்பத்துடன் இணைக்கப்படவேண்டியவை
முதன்முறையாக தேர்வெழுத விண்ணப்பிப்பவர்கள்
விண்ணப்பதாரர்கள் ஆன்லைன் விண்ணப்பத்துடன் சான்றிடப்பட்ட தங்களது பள்ளி மாற்றுச் சான்றிதழ் நகல் / பதிவுத்தாள் நகல் / பிறப்புச் சான்றிதழ் நகல் இவற்றில் எதேனும் ஒன்றினை மட்டுமே இணைத்து சமர்ப்பிக்க வேண்டும்.
ஏற்கனவே எட்டாம் வகுப்பு பொதுத்தேர்வெழுதி தோல்வியடைந்த பாடத்தை தேர்வெழுத விண்ணப்பிப்பவர்கள்
ஏற்கனவே தேர்வெழுதி பெற்ற மதிப்பெண் சான்றிதழின்/ சான்றிதழ்களின் நகல்களை கண்டிப்பாக இணைத்து சமர்ப்பிக்க வேண்டும்.
தனித்தேர்வர்கள் ரூ.42-க்கான அஞ்சல் வில்லை ஒட்டப்பட்ட, பின் கோடுடன் கூடிய சுய முகவரியிட்ட உறை ஒன்றை விண்ணப்பத்துடன் இணைத்து சமர்ப்பிக்க வேண்டும்.
4. ஆன்லைன் மூலம் பெறப்படும் விண்ணப்பங்கள் மட்டுமே ஏற்றுக் கொள்ளப்படும். தபால் மூலம் பெறப்படும் விண்ணப்பங்கள் நிராகரிக்கப்படும்.
5. இந்தத் தேர்விற்கான விரிவான தகவல்களை http://dge.tn.gov.in என்ற இணையதளத்தில் காணலாம்.
தனித் தேர்வர்களுக்கான எட்டாம் வகுப்பு பொதுத் தேர்வு அக்டோபர் - 2022-க்கான தேர்வுக்கால அட்டவணை
| தேதி | கிழமை | நேரம் | பாடம் |
| 10.10.2022 | திங்கட்கிழமை | காலை 10 மணி முதல் 12 மணி வரை | தமிழ் |
| 11.10.2022 | செவ்வாய்க்கிழமை | காலை 10 மணி முதல் 12 மணி வரை | ஆங்கிலம் |
| 12.10.2022 | புதன் கிழமை | காலை 10 மணி முதல் 12 மணி வரை | கணிதம் |
| 13.10.2022 | வியாழக்கிழமை | காலை 10 மணி முதல் 12 மணி வரை | அறிவியல் |
| 14.10.2022 | வெள்ளிக்கிழமை | காலை 10 மணி முதல் 12 மணி வரை | சமூக அறிவியல் |