2022- 23ஆம் கல்வியாண்டில் பி.இ., பி.டெக். படிப்புகளில் நேரடி 2ஆம் ஆண்டு சேர்க்கைக்கு இன்று (ஜூன் 24ம் தேதி) முதல் ஜூலை 23ஆம் தேதி வரை விண்ணப்பிக்கலாம் என தொழில்நுட்பக் கல்வி இயக்ககம் தெரிவித்துள்ளது. தகுதி வாய்ந்த பட்டயப் படிப்பு, பிஎஸ்சி பட்டப் படிப்பு முடித்தவர்கள் நேரடி 2ஆம் ஆண்டு பொறியியல் படிப்புக்கு விண்ணப்பிக்கலாம்.
இதுகுறித்து அரசு வெளியிட்டுள்ள அறிவிப்பில் கூறப்பட்டிருப்பது என்ன?
தகுதி வாய்ந்த டிப்ளமோ பட்டயப் படிப்பு மற்றும் பி.எஸ்.சி. பட்டப் படிப்பில் தேர்ச்சி பெற்று முடித்த மாணவர்கள் நேரடி இரண்டாமாண்டு பொறியியல் பட்டப் படிப்பிற்கு தமிழ்நாட்டிலுள்ள அரசு / அரசு உதவிபெறும் / அண்ணா பல்கலைக்கழக துறை மற்றும் உறுப்புக் கல்லூரிகள் / அண்ணாமலை பல்கலைக்கழகம் மற்றும் சுயநிதி பொறியியல் கல்லுரிகளில் 2022-23 ஆம் கல்வியாண்டில் சேர்க்கைக்கு விண்ணப்பங்கள் வரவேற்கப்படுகின்றன. விண்ணப்பங்களை இணையதளம் மூலமாக மட்டுமே விண்ணப்பித்தல் வேண்டும்.
இணையதளம் மூலமாக விண்ணப்பிக்கத் தேவையான நெறிமுறைகள் :
1) விண்ணப்பிக்கும் முறை :
www.tnlea.com / www.accet.co.in / www.accetedu.in என்ற இணையதளம் வாயிலாக மட்டுமே விண்ணப்பித்தல் வேண்டும். சான்றிதழ்களையும் இணையதளத்தில் பதிவேற்றம் செய்ய வேண்டும்.
2) இணையதளம் மூலமாக விண்ணப்பங்கள் பதிவு செய்யும் நாள் :
தொடங்கும் நாள் : 24.06.2022
முடிவுறும் நாள் : 23.07.2022
3) பதிவுக் கட்டணம் :
பதிவுக் கட்டணம் ரூ.300/-ஐ விண்ணப்பதாரர் Debit Card / Credit Card / Net Banking இணையதளம் வாயிலாகச் செலுத்தலாம்.
இணையதளம் வாயிலாக பதிவுக் கட்டணத்தை செலுத்த இயலாத மாணவர்கள், "The Secretary, Second year B.E./B.Tech. Degree Admissions – 2022-23, ACGCET, Karaikudi” payable at Karaikudi” என்ற பெயரில் 24.06.2022 அன்றிலிருந்து பெற்ற வரைவோலையை பதிவுக் கட்டணமாகத் தமிழ்நாடு பொறியியல் சேர்க்கை சேவை மையம் வாயிலாக மட்டுமே சமர்ப்பிக்கலாம்.
4) SC/ SCA/ ST பிரிவினர் பதிவுக் கட்டணம் செலுத்த அவசியமில்லை.
5) விண்ணப்பதாரர்கள் வங்கி வரைவோலையை சமர்ப்பிப்பதற்கும், இணையதள வசதி இல்லாத விண்ணப்பதாரர்கள் விண்ணப்பப் படிவத்தினை இணையதளம் வாயிலாக பதிவு செய்வதற்கும் தமிழ்நாடு பொறியியல் சேர்க்கை சேவை மையத்தினை பயன்படுத்திக் கொள்ளலாம். அனைத்து 10 மையங்களிலும் போதிய அளவில் கொரோனா தடுப்பு மற்றும் பாதுகாப்பு நடவடிக்கைகள் மேற்கொள்ளப்பட்டுள்ளன.
6) இந்த கல்வியாண்டில் Second Year B.E./B.Tech. பட்டப்படிப்பு கலந்தாய்வு இணையதளத்தின் வாயிலாக மட்டுமே நடைபெறும்.
7) மேலும் விவரங்கள் அறிய www.tnlea.com / www.accet.co.in / www.accetedu.in ஆகிய இணையதள முகவரியில் "INFORMATION AND INSTRUCTIONS TO CANDIDATES" பக்கத்தில் பார்க்கவும்.
8) தொடர்பு எண் : 04565-230801, 04565-224528.
ABP நாடு செய்திகளை சமூக வலைத்தள பக்கங்களிலும் பின் தொடரலாம்
சமீபத்திய லைப்ஸ்டைல் செய்திகளையும், ட்ரெண்டிங் செய்திகளையும், அறிய Abpnadu-இல் லைப்ஸ்டைல் செய்திகளைத் (Tamil Lifestyle News) தொடரவும்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்