இந்தியா முழுவதும் உள்ள உயர் கல்வி நிறுவனங்களில் இளநிலை ஆராய்ச்சியாளர் உதவித் தொகை பெறவும் உதவிப் பேராசிரியர் நியமனத்துக்கும் பிஎச்.டி. படிப்பில் சேரவும் சிஎஸ்ஐஆர் யுஜிசி நெட் கூட்டு நுழைவுத் தேர்வு ஆண்டுதோறும் நடத்தப்படுகிறது.
இந்த நிலையில் 2024ஆம் ஆண்டு டிசம்பர் மாத அமர்வுக்கான சிஎஸ்ஐஆர் யுஜிசி கூட்டு நுழைவுத் தேர்வு பிப்ரவரி 16 முதல் 28ஆம் தேதி வரை நடைபெற உள்ளது.
முக்கியத் தேதிகள் என்னென்ன?
விண்ணப்பப் பதிவு இன்று தொடங்கிய நிலையில், டிசம்பர் 30ஆம் தேதி வரை தேர்வர்கள் விண்ணப்பிக்கலாம். அதேபோலத் தேர்வர்கள் டிச.31 வரை விண்ணப்பக் கட்டணத்தைச் செலுத்தலாம். மேலும் ஜனவரி 1 முதல் 2ஆம் தேதி வரை விண்ணப்பங்களில் திருத்தம் மேற்கொள்ளலாம்.
என்னென்ன தாள்களுக்குத் தேர்வு?
* வேதியியல் அறிவியல் (Chemical Sciences )
* பூமி, வளிமண்டலம், பெருங்கடல் மற்றும் கிரக அறிவியல் (Earth, Atmospheric, Ocean and Planetary Sciences)
* வாழ்க்கை அறிவியல் (Life Sciences )
* கணித அறிவியல் (Mathematical Sciences)
* இயற்பியல் அறிவியல் (Physical Sciences)
தேர்வு முறை என்ன?
180 நிமிடங்களுக்கு எம்சிக்யூ முறையில் தேர்வு நடைபெற உள்ளது. ஆங்கிலம் மற்றும் இந்தி ஆகிய இரு மொழிகளில் இந்தத் தேர்வு நடைபெற்று வருகிறது.
விண்ணப்பிப்பது எப்படி?
- தேர்வர்கள் ஆன்லைன் மூலமாக மட்டுமே விண்ணப்பிக்க முடியும்.
- அதற்கு https://csinet.nta.ac.in என்ற இணைப்பை க்ளிக் செய்ய வேண்டும்.
- தேவையான விவரங்களை உள்ளிட வேண்டும்.
- அல்லது https://csirnetdec2024.ntaonline.in/ என்ற இணைப்பை க்ளிக் செய்தும் விண்ணப்பிக்கலாம்.
- விண்ணப்பக் கட்டணத்தை டெபிட் கார்டு / கிரெடிட் கார்டு, நெட் பேங்கிங் அல்லது யுபிஐ முலம் ஆன்லைனில் மட்டுமே செலுத்த வேண்டும்.
- அதன் பிறகு விண்ணப்பித்து விடலாம்.
- தேர்வர்கள் ஒரு முறை மட்டுமே விண்ணப்பிக்க வேண்டியதும் முக்கியம்.
தொலைபேசி எண்கள்: 011-40759000 அல்லது 011-69227700
இ- மெயில் முகவரி: csirnet@nta.ac.in
முழுமையான விவரங்களை அறிய: https://csirnet.nta.ac.in , www.nta.ac.in