Just In
Crime | நைட் ஷிஃப்டுக்கு வந்த நர்ஸுக்கு பாலியல் தொல்லை.. கொடூர டாக்டரை கொத்தாக தூக்கியது காவல்துறை
பாஸ்கர் பருவா என்ற அந்த டாக்டர் கவுகாத்தியில் உள்ள ஒரு மருத்துவமனையில் ஒப்பந்த மருத்துவராக பணிபுரிந்து வருகிறார்.
கவுகாத்தியில் இரவு பணியில் இருந்த நர்ஸிடம் அத்துமீறி நடந்த டாக்டரை போலீசார் கைது செய்தனர். கவுகாத்தியில் உள்ள நூன்மதி காவல் நிலையத்தில் நர்ஸ் கொடுத்த புகாரின் அடிப்படையில், டாக்டர் மீது 354 பிரிவின் கீழ் வழக்கு பதிவு செய்யப்பட்டுள்ளது.
பாஸ்கர் பருவா என்ற அந்த டாக்டர் கவுகாத்தியில் உள்ள ஒரு மருத்துவமனையில் ஒப்பந்த மருத்துவராக பணிபுரிந்து வருகிறார். இவர், தினமும் இரவு பணியில் வேலை செய்து வந்தார். கடந்த 26ஆம் தேதி இரவு மருத்துவமனையில் இருந்த நர்ஸிடம் டாக்டர் அத்துமீறி நடந்ததாக கூறப்படுகிறது. மருத்துவமனையில் பணிபுரியும் நர்ஸ் ஒரு தன்னார்வ தொண்டு நிறுவனத்தைச் சேர்ந்தவர் ஆவார்.
மேலும் படிக்க: Crime news : ஆன்லைனில் கல்வி கற்ற மாணவியை கர்ப்பமாக்கிய எதிர் வீட்டுக்காரர்..
இதனைத்தொடர்ந்து, அந்த நர்ஸ் மருத்துவமனை நிர்வாகத்திடம் புகார் கூறினார். அவர்கள் அங்குள்ள நூன்மதி காவல் நிலையத்தில் புகார் அளித்தனர். ஜனவரி 27 அன்று கம்ரூப் மெட்ரோ மாவட்டத்தில் உள்ள கீதாநகர் பகுதியில் உள்ள அவரது வீட்டில் கவுகாத்தி போலீசார் சோதனை நடத்தினர். ஆனால் அவரைக் கண்டுபிடிக்க முடியவில்லை. கவுகாத்தியில் இருந்து தலைமறைவான டாக்டரை, அசாமில் உள்ள பைஹாட்டா சாரியாலியில் உள்ள கமல்பூரில் கைது செய்யப்பட்டார்.
கவுகாத்தியில் உள்ள நூன்மதி காவல் நிலையத்தில் நர்ஸ் அளித்த புகாரின் அடிப்படையில், டாக்டர் மீது வழக்கு பதிவு செய்யப்பட்டுள்ளது.
விசாரணை நடத்திய போலீசார் கூறுகையில், "நாங்கள் டாக்டரைக் கைது செய்துள்ளோம். அவர் மீது 354 பிரிவின் கீழ் வழக்குப் பதிவு செய்துள்ளோம். இந்த விஷயம் தொடர்பாக மேலும் விசாரித்து வருகிறோம்," என்று கூறினார்கள்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்