Crime: தலைநகர் டெல்லியில் அரசு அதிகாரி ஒருவர் 14 வயது சிறுமியை பாலியல் வன்கொடுமை செய்தது பெரும் பரபரப்பை ஏற்படுத்தியுள்ளது.
பெண்களுக்கு எதிரான வன்முறை சம்பவங்கள் தொடர்ந்து அதிகரித்து வருகிறது. இந்தியாவில் மட்டுமின்றி உலக நாடுகள் முழுவதும் இந்த கொடூரம் அரங்கேறி வருகிறது. ஷ்ரத்தா கொலை வழக்கு நாம் எப்படிப்பட்ட சமூகத்தில் இருக்கிறோம் என்பதை வெளிச்சம் போட்டு காட்டியது. ஷர்த்தா கொலை வழக்கின் அதிர்ச்சி அடங்குவதற்குள்ளேயே உத்தரப் பிரதேசத்திலும் மேற்குவங்கத்திலும் அதே போன்ற கொலை கொடூரம் சம்பவங்கள் அரங்கேறின. சமீபத்தில் கூட, ராஜஸ்தான் மாநிலத்தில் சிறுமி ஒருவர் உயிரோடு எரிக்கப்பட்டு, கொலை செய்யப்பட்ட சம்பவம் நாட்டில் அதிர்ச்சி அலைகளை ஏற்படுத்தியது. அதன் தொடர்ச்சியாக, தலைநகர் டெல்லியில் ஒரு கொடூர சம்பவம் அரங்கேறியுள்ளது.
சிறுமிக்கு பாலியல் வன்கொடுமை:
அதன்படி, டெல்லியில் 14 வயது சிறுமியை அரசு அதிகாரி ஒருவர் ஒரு ஆண்டாக பாலியல் வன்கொடுமை செய்தது பெரும் அதிர்ச்சியை ஏற்படுத்தியுள்ளது. டெல்லியில் உள்ள தனியார் பள்ளியில் 12ஆம் வகுப்பு படித்து வந்த மாணவியின் தந்தை கடந்த 2020ஆம் ஆண்டு உயிரிழந்தார். இதனை அடுத்த அந்த சிறுமியை அவரின் நெருக்கமான நண்பர் ஒருவர் அழைத்துச் சென்றுள்ளார். இவர் டெல்லி அரசின் பெண்கள் மற்றும் குழந்தைகளை மேம்பாட்டு துறையில் மூத்த அதிகாரியாக பணியாற்றி வருகிறார். இவர் அந்த சிறுமியை வீட்டிற்கு அழைத்து வந்து 2020 முதல் 2021ஆம் ஆண்டு பலமுறை பாலியல் வன்கொடுமை செய்துள்ளதாக தெரிகிறது. இதனால் அந்த சிறுமி கர்ப்பமானதும் தனது மனைவியிடம் கூறினார். இதனை அடுத்து, அரசு அதிகாரியின் மனைவி அவரது மகனிடம் கருகலைப்பு மாத்திரை வாங்கச் சொல்லி அனுப்பி வைத்தார். பின்னர், அந்த சிறுமிக்கு கருகலைப்பு மாத்திரை கொடுத்துள்ளார்.
வழக்குப்பதிவு:
பின்னர், இந்த சம்பவம் குறித்து போலீசாருக்கு தெரியவந்தது. உடனே அரசு அதிகாரியின் வீட்டிற்கு சென்று சிறுமியை மீட்டு அருகில் இருக்கும் மருத்துவமனைக்கு சிகிச்சைக்காக அனுமதித்தனர். இந்த சம்பவம் தொடர்பாக சிறுமி அளித்த புகாரின் அடிப்படையில், அரசு அதிகாரி மற்றும் அவரது மனைவி போக்சோ சட்டத்தின் கீழ் வழக்குப்பதிவு செய்து கைது செய்தனர். குழந்தை மற்றும் பெண்கள் நலவாரிய அதிகாரி ஒருவரே இப்படிப்பட்ட கொடூர செயலில் ஈடுபட்டது பெரும் அதிர்ச்சியை ஏற்படுத்தியுள்ளது.
மேலும் படிக்க