Crime : ஹாங்காங்கில் மாடல் அழகி ஒருவர் துண்டு துண்டாக கொடூராக கொலை செய்யப்பட்ட சம்பவம் பெரும் பரபரப்பை ஏற்படுத்தியுள்ளது.
சமீப காலமாகவே பெண்களுக்கு எதிரான குற்றங்கள் அதிகரித்து வண்ணமே உள்ளது. செய்த கொலையை மறைப்பதற்காக வட இந்தியாவில் பெண்களை துண்டு துண்டாக வெட்டி ஃபிரிட்ஜில் வைத்த சம்பவம் ஆங்காங்கே நடந்து கொண்டு இருக்கிறது. இப்படி இருக்கும் சூழலில் வெளிநாட்டிலும் ஒரு சம்பவம் நடந்துள்ளது.
ஹாங்காங் நாட்டைச் சேர்ந்தவர் இளம்பெண் அபி சோய் (28). சர்வதேச அளவில் புகழ் பெற்ற மாடல் அழகி இவர். கடந்த 2023ஆம் ஆண்டுக்கான எலீ சாப் ஸ்பபிரிங் சம்மர் ஹாடி கோட்டர் நிகழ்ச்சிகள் ஒன்றில் கலந்து கொண்டார். இது தான் இவர் பங்கேற்ற கடைசி நிகழ்ச்சி. இவரின் சமூக வலைதள பக்கமான இன்ஸ்டாகிராமில் இவருக்கு 1 லட்ச ஃபாலோயர்ஸ்கள் உள்ளனர். இவருக்கு ஒரு மகனும், ஒரு மகளும் உள்ளனர். ஆனால் கருத்து வேறுபாடு காரணமாக இவரது கணவரை விட்டு பிரிந்து வந்துவிட்டார்.
இந்நிலையில், கடந்த சில நாட்களுக்கு முன்பு, அபி சோய் காணாமல் போனதாக புகார் அளிக்கப்பட்டது. புகாரின்பேரில் போலீசார் இவரை கடந்த சில நாட்களாகவே தேடி வந்தனர். அப்போது, தாய் போ மாவட்டத்தில் சில உடல்பாகங்கள் கிடப்பதாக போலீசாருக்கு தகவல் வந்தது. இதனை அடுத்து அதனை சோதனை செய்ததில் அபி சோய் என்று அடையாளம் காணப்பட்டுள்ளது. பாதி உடல்பாகங்கள் மட்டும் இருந்த நிலையில், சந்தேகத்தில்பேரில் அவரின் மாமியார் வீட்டில் போலீசார் சோதனை நடத்தினர்.
லுய் மெய் என்ற கிராமத்தில் அவரது மாமியார் வீடு உள்ளது. அந்த வீட்டை நடத்திய சோதனையில், ஃபிரிட்ஜில் அபி சோயின் உடல்பாகங்கள் இருந்துள்ளது. கால்,தலை, விரல் என தனிதனியாக ஒரு பிளாஸ்டிக் கவரில் இருந்துள்ளது. மேலும், சமையலறையில் வைக்கப்பட்டுள்ள சூப்பில் கை விரல்கள் இருந்துள்ளன. இதனை மீட்டு போலீசார் தீவிர விசாரணை மேற்கொண்டனர்.
அப்போது, இந்த கொடூரத்தை செய்தது முன்னாள் கணவர் மற்றும் அவரது தாய் என்பது தெரிந்தது. இதனை அடுத்து, போலீசார் அவர்களை கைது செய்ததோடு, அவரது உறவினர்களிடம் தீவிரம் விசாரணை நடத்தி வருகின்றனர். சொத்து தகராறில் இந்த கொலை நடந்துள்ளதாக கூறப்படுகிறது. இந்த சம்பவம் அப்பகுதியில் பெரும் பரபரப்பை ஏற்படுத்தியுள்ளது.
மேலும் படிக்க
Crime: ராகிங் கொடுமை..! தற்கொலை செய்து கொண்ட முதுகலை மருத்துவ மாணவி - நடந்தது என்ன?