இணையத்தில் வெளியான அந்தரங்க வீடியோ குறித்து போஜ்புரி நடிகை விளக்கம் அளித்துள்ளார்
சமீப நாட்களாக போஜ்புரி திரையுலகம் பரபரப்பாகவே உள்ளது. நடிகைகளின் அந்தரங்க வீடியோக்கள் இணையத்தில் பரவுவதும், அது தொடர்பான விளக்கங்களுமே இந்த பரபரப்புக்கு காரணம். சமீபத்தில் வாலிபர் ஒருவருடன் போஜ்புரி நடிகை த்ரிஷாகர் நெருக்கமாக இருக்கும் வீடியோ இணையத்தில் வெளியானது. சோஷியல் மீடியாக்களில் காட்டுத்தீ போல பரவிய வீடியோ குறித்து அந்த நடிகை சைபர் கிரைமில் புகார் அளித்திருந்தார். மேலும் அந்த வீடியோ லீக்கானது எப்படி எனத் தெரியவில்லை என்றும், அந்த வீடியாவை பகிறாமல் டெலிட் செய்ய வேண்டும் என்றும் நடிகை த்ரிஷாகர் வேண்டுகோள் விடுத்திருந்தார். இந்த பரபரப்பு அடங்குவதற்கும் அடுத்த நடிகை தொடர்பான வீடியோ வெளியாகி பகீர் கிளப்பியுள்ளது.
பவன் புத்ரா, கரம் யுக் உள்ளிட்ட படங்களில் நடித்துள்ள போஜ்புரி நடிகை ப்ரியங்கா பண்டிட்டின் அந்தரங்க வீடியோ கசிந்ததாக கூறப்படுகிறது. அந்த வீடியோ சோஷியல் மீடியாக்களிலும் வேகமாக பரவி வருகிறது. பரவும் வீடியோ ப்ரியங்காவின் பழைய வீடியோ என்றும் கூறப்படுகிறது. திரையுலகை அதிர்ச்சி அடைய வைத்துள்ள வீடியோ குறித்து நடிகை ப்ரியங்கா பேசியுள்ளார். அதில், அந்த வீடியோவில் இருப்பது நான் அல்ல. வேறு யாரோ அது. தன்னுடைய நற்பெயருக்கு கலங்கம் ஏற்படுத்த வேண்டுமென்பதற்காக யாரோ செய்த சதி இது என தெரிவித்துள்ளார். அந்தரங்க வீடியோ குறித்து சைபர் க்ரைமில் நடிகை புகாரும் அளித்துள்ளார்.
ஆன்லைன் ஷாப்பிங் இனி கொஞ்சம் கஷ்டம்.. கட்டுப்பாடுகளை இறுக்கும் ஆர்பிஐ - புது ரூல் இதுதான்!
நடிகைகள் தொடர்பான அந்தரங்க வீடியோக்கள் தொடர்ந்து லீக்காவது போஜ்புரி திரையுலகில் பேசுபொருளாகியுள்ளது. சர்ச்சையை உண்டாக்க வேண்டுமென்றே சிலர் இதுபோன்ற வேலைகளில் ஈடுபடுவதாக கூறப்படுகிறது. நடிகைகளுக்கு எதிரான குற்றமாக சுருக்காமல் பெண்களுக்கு எதிரான குற்றமாக இதனை காவல்துறை கையாள வேண்டுமென்றும், உடனடி நடவடிக்கை எடுக்க வேண்டுமென்றும் பல்வேறு தரப்பினரும் கோரிக்கை விடுத்து வருகின்றனர்.
டிஜிட்டல் உலகமும், இணையதளமும் பல்வேறு முக்கிய விஷயங்களுக்கு பெரும் உதவியாக இருந்தாலும் பல சிக்கல்களையும் அவ்வப்போது உண்டாக்கி விடுகிறது. தொழில்நுட்பத்தை சரியாக பயன்படுத்தாமல் தவறான பாதையை நோக்கி இழுத்துச் செல்லும் நபர்களால் ஏற்படும் சிக்கலே இது. பெண்களுக்கு எதிராகவும், குழந்தைகளுக்கு எதிராகவும் சோஷியல் மீடியாவும், தொழில்நுட்பமும் செயல்படுவதை தடுக்க வேண்டுமென்பதுமே அனைவரின் கருத்தாகவும் இருக்கிறது.
ரவுடி பேபியுடன் இணைந்த சிக்கா... சூர்யா தேவியை சமாளிக்க பாகற்காயுடன் நேரலையில் காதல் ஜோடி!